Sanjay Warkad ; दिव्यांग लाभार्थ्यांनी २५ मार्चपर्यंत ‘UDID’ कार्ड सादर करावे; अन्यथा अनुदानात अडथळा! संजय वारकड
नांदेड l संजय गांधी निराधार योजनेअंतर्गत लाभ घेणाऱ्या नांदेड तालुक्यातील ग्रामीण भागातील दिव्यांग बांधवांसाठी एक महत्त्वाची बातमी आहे. ज्या लाभार्थ्यांनी अद्याप आपले दिव्यांग प्रमाणपत्र (UDID Card) तहसील कार्यालयात जमा केलेले नाही, त्यांनी ते २५ मार्च २०२६ पर्यंत सादर करावे, असे आवाहन तहसीलदार संजय वारकड यांनी केले आहे.
नेमकी स्थिती काय आहे? नांदेड तालुक्यात एकूण १,२०७ दिव्यांग लाभार्थी या योजनेचा लाभ घेतात. या लाभार्थ्यांना शासनाकडून दरमहा २,५०० रुपये अनुदान दिले जाते. मात्र, प्रशासकीय नोंदीनुसार यातील ८३३ लाभार्थ्यांनी अद्याप त्यांचे ‘युनिक डिसॅबिलिटी आयडेंटिटी कार्ड’ (UDID) कार्यालयाकडे सुपूर्द केलेले नाही.
कागदपत्रे कुठे जमा करावीत? प्रशासनाने लाभार्थ्यांच्या सोयीसाठी 2 पर्याय दिले आहेत:
1.आपल्या गावातील तलाठी यांच्या कडे जमा करावे.2. लाभार्थ्यांनी थेट तहसील कार्यालय, संजय गांधी निराधार योजना (संगायो) विभागात जाऊन कागदपत्रे द्यावीत. तहसील कार्यालयामध्ये यासाठी वेगळा कक्ष स्थापन केला आहे.
काय सोबत न्यावे?१. दिव्यांग प्रमाणपत्र (UDID कार्ड)२. आधार कार्डची झेरॉक्स महत्त्वाची टीप: शासनाच्या नियमानुसार लाभार्थ्यांची पडताळणी होणे आवश्यक आहे. त्यामुळे आपले अनुदान विनाव्यत्यय चालू राहण्यासाठी ही कागदपत्रे वेळेत जमा करणे गरजेचे आहे.
