नवीन नांदेड| दहाव्या वर्गात शिक्षण घेत असताना पतंग उडवताना विघुत पोलावरील विज पुरवठा करणाऱ्या लोखंडी ताराला पतंग लटकली काढावयास गेलेल्या वैभव पईतवार यास विजेच्या धक्क्याने दोन्ही हात निकामी असलेल्या अभ्यासात सातत्य ठेवत महाराष्ट्र राज्य लोकसेवा आयोगाच्या परीक्षेत उत्तीर्ण होऊन सहाय्यक महसूल अधिकारीपदी निवड झाली, निवडीचे वृत्त कळताच राज्यभर सोशिएल मिडिया व व्हाटस अप, फेसबुक माध्यमातून अभिनंदन करण्यात आल्या नंतर जळगाव येथुन 14 जुलै रोजी सिडको परिसरातील शंकरनगर भागातील निवासस्थानी आगमन होताच भव्य दिव्य सत्कार करण्यात आला,तर खासदार अजित गोपछडे यांनी निवासस्थानी येऊन सत्कार केला.
गेल्या अनेक वर्षांपासून सिडको परिसरात वास्तव्यास असलेल्या वैभव पईतवार हा 2010 मध्ये दहावी वर्गात शिक्षण घेत असताना पतंग खेळत असताना त्याचा पतंग विघुत पोल वरील झाडेझुडपे असलेल्या तारा मध्ये अडकला परंतु त्यास विघुत पोलावरील तारा असल्याचे माहीत नसल्याने पतंग काढत असताना विघुत पोल वरील विज प्रवाह लागल्याने दोन्ही हात निकामी झाल्याने वैद्यकीय सल्ल्यानुसार दोन्ही हात काढावे लागले, 12वी परिक्षा हात नसल्याने पायाने लिहून दिली यात त्यास 65/ टक्के गुण मिळाले, अंत्यंत जिद्द चिकाटी या बळावर शैक्षणिक क्षेत्रात मध्ये अग्रेसर राहुन बि.ए व एम.एस.डब्लु पदवी प्राप्त केली यानंतर एम. एस.सि.आय.टी, टायपिंग परिक्षा उत्तीर्ण केली.
महाराष्ट्र राज्य लोकसेवा आयोगाच्या महसूल सहाय्यक 2023 चा परिक्षेत पास झाल्यानंतर निकाल 10 जुलै रोजी लागला असुन मुंबई येथे तो सहाय्यक महसूल अधिकारी लवकरच रूजू होणार आहे,जळगाव येथे एम.पी.सी ॲकडमी येथे तो शिकत होता. नवीन नांदेड भागातील शंकरनगर भागातील वास्तव्यास असल्याने निकाला नंतर सिडको आगमन नंतर 14 जूलै रोजी ढोल ताशांच्या गजरात भव्य स्वागत करण्यात आले.यावेळी श्री.गुरूदेव महिला भजनी मंडळ गुरूवार बाजार सिडको अध्यक्षा मिरा कोतावार, मधुबाला पुरी, संगीत पईतवार,सिमा गुंडाळे , कमळाबाई शेळके,देविका पोलशेटवार, महानंदा भारती, सोनाली शेळके,आवणी पोलशेटवार, विमलबाई गुरूमाय ,सुनिता बंडेवार.
यांच्या सह परिसरातील महिला,जेष्ठ नागरिक ,मित्र मंडळ मोठ्या संख्येने उपस्थित होते, तर सायंकाळी राज्यसभा खासदार अजित गोपछडे यांनी निवासस्थानी येऊन सत्कार करून शुभेच्छा दिल्या व अभिनंदन केले,गोदावरी अर्बन मल्टीस्टेट को ॲप सोसायटी नांदेडचा अध्यक्षा सौ. राजश्री पाटील,शिवसेना ऊबाठा गटांचा सिडको शहर यांच्या वतीने शहर प्रमुख जितुसिंग टाक, माजी शहरप्रमुख निवृत्ती जिंकलवाड, माजी कामगार सेना जिल्हा प्रमुख ब्रिजलाल ऊगवे, साहेबराव मामीलवाड,गौरव दरबस्तवार,आनंदा वाघमारे यांनी व नवीन नांदेड मराठी पत्रकार संघाचा वतीने माजी अध्यक्ष रमेश ठाकूर व छायाचित्रकार सारंग नेरलकर, पत्रकार दिंगाबर शिंदे यांनी सत्कार केला. हे यश नियमित अभ्यास व जिद्दीने केल्याने व आईवडील परिवारातील सदस्य यांच्या मार्गदर्शनाखाली मिळविले असल्याचे वैभव पईतवार यांनी सांगितले.