Passenger Saftey : आरपीएफ नांदेड विभागाची प्रवासी सुरक्षेसाठी कडक पावले
नांदेड| दक्षिण मध्य रेल्वेच्या नांदेड विभागामार्फत रेल्वे संरक्षण दल (RPF) व गुन्हे गुप्तवार्ता शाखा (CIB) यांनी Government Railway Police (जीआरपी) यांच्या समन्वयाने प्रवासी सुरक्षा, संरक्षण आणि बालक संरक्षणासाठी सातत्यपूर्ण मोहिमा राबवत आपली कटिबद्धता पुन्हा अधोरेखित केली आहे.
ऑपरेशन “नन्हे फरिश्ते” – जालना येथे अल्पवयीन मुलाची सुरक्षित सुटका
दि. 28.02.2026 रोजी गाडी क्र. 12716 एक्सप्रेस जालना रेल्वे स्थानकावर आल्यानंतर आरपीएफच्या सतर्क कर्मचाऱ्यांनी सामान्य डब्यात एक अल्पवयीन मुलगा संशयास्पद परिस्थितीत एकटाच प्रवास करताना आढळला. चौकशीदरम्यान कोणत्याही सहप्रवाशाला त्याच्याबाबत माहिती देता आली नाही.
सदर मुलास तात्काळ सुरक्षित ताब्यात घेऊन आरपीएफ पोस्ट जालना येथे आणण्यात आले. चौकशीदरम्यान त्याने मोठ्या भावाला न सांगता घर सोडल्याचे सांगितले. त्याचा भाऊ छत्रपती संभाजीनगर येथे कार्यरत आहे. आरपीएफने तात्काळ कुटुंबाशी संपर्क साधून बालकल्याण समिती (CWC), जालना यांच्याशी समन्वय साधला. आवश्यक पडताळणीनंतर संबंधित बालकास पुढील कायदेशीर संरक्षणासाठी बालकल्याण समितीकडे सुपूर्द करण्यात आले. ही वेळेवर करण्यात आलेली कारवाई “ऑपरेशन नन्हे फरिश्ते” अंतर्गत आरपीएफच्या मानवीय बांधिलकीचे द्योतक ठरली आहे.
ऑपरेशन “यात्री सुरक्षा” – गुन्हेगारीविरोधात ठोस कारवाई
1) परभणी येथे चोरीचा प्रयत्न उधळला
परभणी रेल्वे स्थानकावर CIB/नांदेड व RPF/परभणी यांच्या संयुक्त पथकाने एका प्रवाशाचे सामान चोरी करण्याचा प्रयत्न करणाऱ्या आरोपीस रंगेहात पकडले. संबंधित आरोपीस जीआरपी/परभणी यांच्या ताब्यात देऊन कायदेशीर कारवाई सुरू करण्यात आली आहे.
2) नांदेड येथे फरार दरोडा आरोपी अटक
दि. 27.02.2026 रोजी सुमारे रात्री 9 वाजता CIB/नांदेड व लोहमार्ग पोलीस/नांदेड यांच्या संयुक्त कारवाईत GRP/नांदेड गुन्हा क्र. 40/2026, कलम 309(3) BNS अंतर्गत फरार आरोपीस अटक करण्यात आली.
आरोपीने नांदेड यार्ड परिसरात एका प्रवाशास लुटून पुढील मुद्देमाल चोरला होता:
सोन्याची साखळी – ₹80,000/- ओप्पो मोबाईल फोन – ₹24,999/- रोख रक्कम – ₹4,000/- एकूण किंमत: ₹1,08,999 चौकशीदरम्यान आरोपीने सोन्याची साखळी विकून पैसे खर्च केल्याची कबुली दिली. त्यास मा. प्रथम श्रेणी न्याय दंडाधिकारी (JMFC), नांदेड न्यायालयात हजर करण्यात आले असून चोरीचा मुद्देमाल जप्त करण्यासाठी पोलिस कोठडी (PCR) मंजूर करण्यात आली आहे. पुढील तपास सुरू आहे.
3) सीपीएसएन येथे सवयीचा पाकीटमार जेरबंद
छत्रपती संभाजीनगर रेल्वे स्थानक (CPSN) येथे CIB/नांदेड, स्थानिक RPF पोस्ट व लोहमार्ग पोलीस यांच्या संयुक्त पथकाने प्लॅटफॉर्म क्र. 01 वर गुप्त पाहणीदरम्यान सवयीच्या पाकीटमारास अटक केली. त्याच्याकडून ₹10,300/- रोख रक्कम असलेले चोरीचे पाकीट जप्त करण्यात आले असून ते संबंधित प्रवाशास परत करण्यात आले आहे. आरोपीविरुद्ध BNS-2023 अंतर्गत गुन्हा नोंदविण्यात आला आहे.
शून्य सहनशीलता धोरण
या समन्वित व तातडीच्या कारवाया रेल्वे प्रशासनाचे प्रवाशांविरुद्ध होणाऱ्या गुन्ह्यांबाबतचे शून्य सहनशीलता धोरण स्पष्ट करतात तसेच नांदेड विभागातील आरपीएफची सुरक्षित व संरक्षित रेल्वे प्रवासासाठी असलेली कटिबद्धता अधोरेखित करतात. प्रवाशांनी सतर्क राहून कोणतीही संशयास्पद हालचाल दिसल्यास आरपीएफ हेल्पलाईन क्रमांक 139 वर संपर्क साधावा किंवा जवळच्या आरपीएफ कर्मचाऱ्यांशी त्वरित माहिती द्यावी, असे आवाहन करण्यात आले आहे.
