Ashokrao Chavan supporters : सुधा मच्छिमार सहकारी संस्थेवर खा. अशोकराव चव्हाण समर्थकांचा झेंडा
नांदेड| रेणापूर, ता. भोकर येथील सुधा मच्छिमार सहकारी संस्था मर्यादित या संस्थेच्या निवडणुकीत भाजप नेते खा. अशोकराव चव्हाण यांच्या समर्थकांनी बिनविरोध झेंडा फडकवला आहे. या विजयाने काँग्रेसचे तालुकाध्यक्ष गोविंदबाबा गौड पाटील यांचे या संस्थेवरील मागील २५ वर्षांपासूनचे वर्चस्व संपुष्टात आले आहे.
संस्थेच्या एकूण १३ संचालकांपैकी ११ जागेवर भारतीय जनता पक्षाचे नेते खा. अशोकराव चव्हाण यांचे समर्थक बिनविरोधी निवडून आले आहेत. सर्वसाधारण गटातून रामदास कापसे, टिकाजी कांबळे, उत्तम देशमुख, शंकर देवकर, गणपतराव माळवंदकर, शिवराज कापसे, दिगंबर ढगे, किशन सुरेशकर, भटक्या व विमुक्त जाती गटातून रामचंद्र बाभळे, इतर मागास प्रवर्ग गटातून वैजनाथ क्षीरसागर तर अनुसूचित जाती व जमाती गटातून संभाजी तेले यांची सुधा मच्छिमार सहकारी संस्थेवर बिनविरोध निवड झाली आहे. संस्थेच्या विजयी संचालकांनी आज नांदेड येथे माजी मुख्यमंत्री खा. अशोकराव चव्हाण यांची भेट घेतली. खा. चव्हाण यांनी यावेळी त्यांचा सत्कार करून पुढील कार्यासाठी शुभेच्छा दिल्या व संस्थेचा कारभार पारदर्शक पद्धतीने करण्याची सूचना केली.
या संचालकांच्या विजयासाठी भाजप नेते किशोर स्वामी, भाजपचे भोकर तालुकाध्यक्ष दिवाकर रेड्डी, भोकर शहराध्यक्ष विशाल माने, मुदखेडचे शहराध्यक्ष रामसिंग चव्हाण, जगदीश पाटील भोसीकर, इंद्रसेन पाटील, किशोर पाटील लगळूदकर, गणेशराव कापसे, भगवानराव दंडवे, राजकुमार अंगारवाड, रामचंद्र मुसळे, विनोद पाटील चिंचाळकर, दिलीपराव देशमुख सोमठाणकर, राजू शेटे, संतोष मुळे, सुहास पवार, माँटी रॅकावार, केशव पाटील पोमनाळकर, वेणू कोंडलवार, बालाजी अंदबोरीकर, भगवान पाटील रेणापूरकर, जनन पाटील रेणापूरकर, गोविंद मेटकर, ज्ञानेश्वर गोदेवाड, ऋषिकेश स्वामी आदी मंडळींनी परिश्रम घेतले.
