Distribution of garbage bins : ग्रामपंचायत टेंभीतर्फे कचराकुंड्यांचे वाटप
हिमायतनगर| स्वच्छ भारत मिशनअंतर्गत आणि घनकचरा व्यवस्थापन व स्वच्छता अभियानाच्या पार्श्वभूमीवर, टेंभी ग्रामपंचायतीतर्फे आज गावातील कुटुंबांना ओला व सुका कचरा विलगीकरणासाठी स्वतंत्र कचराकुंड्यांचे वाटप करण्यात आले.
ग्रामपंचायतीतर्फे घनकचरा विलगीकरणासाठी टीन शेड उभारण्यात आले असून सांडपाणी व्यवस्थापनासाठी शोषखड्ड्यांची निर्मिती करण्यात आली आहे. या उपक्रमामुळे गावातील स्वच्छता सुधारेल आणि कचऱ्याचे व्यवस्थापन अधिक प्रभावीपणे होईल, असा विश्वास व्यक्त करण्यात आला.
आज (13 ऑगस्ट) झालेल्या कार्यक्रमाला हिमायतनगर पंचायत समितीचे गटविकास अधिकारी पि. एम. जाधव, विस्तार अधिकारी सुशीलकुमार शिंदे, विस्तार अधिकारी टारफे, पाणीपुरवठा व घनकचरा व्यवस्थापन विभागाचे पतंगे साहेब तसेच गावातील महिला व पुरुष मोठ्या संख्येने उपस्थित होते.
यावेळी सरपंच सौ. वंदना कानबाराव पोपलवार, उपसरपंच सौ. सोनूताई आनंद मुतणेपाड, ग्रामपंचायत सदस्य शेषराव पाटील, माजी सरपंच साईनाथ राजरवाड, अशोक पाटील, ग्रामसेवक अर्जुन जाधव, ग्रामपंचायत कर्मचारी प्रियांका पोपलवार, राजू शिंदे, ओमकार बिलेवाड यांच्यासह गावकरी मोठ्या संख्येने हजर होते.
