नांदेड l राजर्षी शाहू महाराज जेष्ठ साहित्यिक व कलाकार मानधन सन्मान योजनेंतर्गत लाभार्थी निवड नांदेड जिल्हास्तरीय समिती तातडीने पूनर्गठित करण्यात यावे अशी मागणी जिल्ह्याचे पालकमंत्री अतुल सावे यांच्याकडे बहुजन टायगर युवा फोर्स महाराष्ट्र च्यावतिने आज निवेदनातून करण्यात आली आहे.
पालकमंत्री अतुल सावे आज नांदेड दौर्यावर आल्यानंतर त्यांची शासकीय विश्रामगृहात बहुजन टायगर युवा फोर्सचे संस्थापक अध्यक्ष त्रिरत्नकुमार भवरे कामारीकर व प्रदेश प्रवक्ता लक्ष्मणराव मा.भवरे यांच्या नेतृत्वाखालील एका शिष्टमंडळाने भेट घेऊन चर्चा केल्यानंतर त्यांनीही यासाठी सकारात्मक प्रतिसाद दिला. यावेळी खा.डॉ.अजित गोपछेडे, नायगांवचे आ.राजेश पवार, भाजपाचे जिल्हाध्यक्ष किशोर देशमुख,भाजपा प्रदेश कार्यकारिणी सदस्य बालाजी बच्चेवार आदी मान्यवरांची उपस्थिती होती.
नांदेड जिल्ह्यात राजर्षी शाहू महाराज जेष्ठ साहित्यिक व कलाकार मानधन सन्मान योजनेंतर्गत लाभार्थी निवड जिल्हास्तरीय समितीचे पूनर्गठन नसल्यानेच सन् २०२३-२४ व २४ -२५ या दोन वर्षीसाठीची लाभार्थी यादी अद्यापही रखडलेली असून त्यामूळेच पात्र लाभार्थी असलेल्या जिल्हाभरातील मान्यवर वृद्ध साहित्यिक व कलावंत यांची आर्थिक परवड होत आहे.या समितीच्या पूनर्गठनासह अन्य प्रलंबित मागण्यांबाबत आम्ही संघटनेच्यावतिने सातत्याने पाठपुरावा करित असून प्रसंगी आंदोलनात्मक भूमिका घेतलेली असली तरिही जिल्हा प्रशासनाकडून सदरची समितीसाठीच्या अशासकीय सदस्यांची नांवे पालकमंत्री महोदयांनी दिलेली नसल्याने समितीचे पूनर्गठन होत.
नसल्याचे सांगण्यात येत असल्याचे स्पष्ट करून याबाबत दि.२१ मार्च २०२५ रोजी जि.प.नांदेड कार्यालयासमोर बहुजन टायगर युवा फोर्स महाराष्ट्रच्या सांस्कृतिक विभागाकडून भजन आंदोलन केल्यानंतर त्यांनी नांदेडचे जिल्हाधिकारी तथा, सदरिल समितीचे पदसिद्ध अध्यक्ष यांना कळविल्याने त्यांच्यास्तरावरुन दि.२६ मार्च २०२५ रोजीच विनंती पत्र दिलेले असून सदरिल पत्रासह आमच्या संघटना पदाधिकाऱ्यांनी आपली आपल्या संपर्क कार्यालयात छत्रपती संभाजीनगर येथे प्रत्यक्ष भेटून याप्रकरणात पूनश्च विनंती केल्याचेही निवेदनात नमूद करुन तसे अवगत करुन दिल्यानंतर याबाबत पालकमंत्री अतुल सावे यांनीही याप्रकरणात सकारात्मक प्रतिसाद देऊन लवकरच सदर समितीचे पूनर्गठन करण्याची ग्वाही दिली.
दरम्यान या निवेदनाच्या प्रति राज्याचे मुख्यमंत्री देवेंद्र फडणवीस,उपमुख्यमंत्री एकनाथ शिंदे,उपमुख्यमंत्री अजित पवार, राज्याचे सांस्कृतिक कार्य मंत्री आशिष शेलार, राज्याचे मुख्य सचिव, राज्याच्या सांस्कृतिक कार्य संचालनालयाचे संचालक तसेच,नांदेडचे जिल्हाधिकारी व सदरील समितीचे पदसिद्ध अध्यक्ष,समितीच्या सदस्या तथा,जिल्हा परिषदेच्या मुख्य कार्यकारी अधिकारी,अतिरिक्त मुख्य कार्यकारी अधिकारी, समितीच्या सदस्य सचिव तथा,जिल्हा परिषद पंचायत विभागाच्या उप मुख्य कार्यकारी अधिकारी व समितीचे सदस्य तथा,जिल्हा परिषदेचे समाजकल्याण अधिकारी आदींना पाठविण्यात आल्याचेही भवरे म्हणाले.
