श्रीक्षेञ माहूर, कार्तिक बेहेरे| लोकशाहीला बळकट करीन, मतदान मी करायला जाईन,चला रं मतदान करण्याचा चला.विसरू नको रे मतदानाला.माझे ताई ग चल मतदान कराया जाऊ.अशा एकापेक्षा एक जनजागृती गीताने माहूर येथील बसस्थानक परिसरात झालेल्या कार्यक्रमाने मतदारांचे लक्ष वेधले.
नांदेडचे जिल्हाधिकारी तथा जिल्हा निवडणूक अधिकारी अभिजित राऊत, जिल्हा परिषदेच्या मुख्यकार्यकारी अधिकारी तथा जिल्हा स्वीपकक्ष नोडल प्रमुख मिनल करणवाल, यांच्या मार्गदर्शानात किनवट विधानसभा मतदार संघ सहायक जिल्हाधिकारी तथा निवडणूक निर्णय अधिकारी कावली मेघना (भाप्रसे) यांच्या संकल्पनेतील आणि गटशिक्षणाधिकारी तथा स्वीपकक्ष प्रमुख गंगाधर राठोड यांच्या नेतृत्वाखाली मतदार जनजागृती गीते सादर करण्यात आली. मतदारांच्या सोयी सुविधेबद्दल प्रबोधनात्मक गीते सादर करून माहिती देण्यात आली. कार्यक्रमास परिसरातील मतदार मोठ्या संख्येने उपस्थित होते.
महिलांची मतदानाची टक्केवारी वाढावी यासाठी महिलांची प्रश्नमंजुषा सुद्धा घेण्यात आली आणि विजेत्यांना स्वीप स्टीकर लावलेले वस्तू बक्षीस रुपात देण्यात आले. यावेळी स्वीप सदस्य तथा केंद्रप्रमुख उत्तम कानिंदे, उपप्राचार्य डॉ.पंजाब शेरे, प्रा. डॉ. मार्तंड कुलकर्णी, रमेश मुनेश्वर, सुरेश पाटील, रुपेश मुनेश्वर, शेषराव पाटील, सुरज पाटील, भूमय्या इंदूरवार उपस्थित होते.
