कंधार, सचिन मोरे | कंधार शहरातील राम रहीम नगर येथील रहिवासी व कंधार पोलीस स्टेशन येथे होमगार्ड या पदावर कार्यरत असलेले जवान माधव गणपत शिंदे वय ४९ वर्ष यांचे दिनांक १८ मार्च २०२६ रोजी हृदयविकाराच्या तीव्र झटक्याने निधन झाले त्यामुळे सर्वत्र हळहळ व्यक्त केली जात आहे.
मयत होमगार्ड माधव शिंदे हे दिनांक १८ मार्च २०२६ रोजी कंधार पोलीस ठाण्यात आपले कर्तव्य बजावून सायंकाळी आपले राहते घरी राम रहीम नगर येथे गेले असता मध्ये रात्रीच्या सुमारास शिंदे यांना हृदयविकाराचा तीव्र झटका आल्याने मृत्यू झाला असल्याची माहिती प्राप्त झाली आहे. मयत माधव शिंदे (होमगार्ड) यांचे पश्चात पत्नी, दोन मुले , आई असा परिवार असून मयत माधव शिंदे हे घरातील कुटुंब प्रमुख होते.
मयत शिंदे यांच्यावर दि.२१ मार्च २०२६ रोज शनिवारी दुपारी १२:०० वाजता हिंदू स्मशानभूमी कंधार येथे दुपारी १२:०० वाजता अंत्यसंस्कार करण्यात आले. यावेळी कंधारचे प्रभारी पोलीस निरीक्षक विकास कोकाटे, बीट जमादार धोंडीबा चोपवाड, तालुका समादेशक राजकुमार कदम, तालुका समादेशक खेडकर, फलटण नायक गृह रक्षक दलाचे शिवाजी गवळे, भीमराव जोंधळे, रघुनाथ करेवाड, भानुदास केंद्रे यांच्यासह गृह रक्षक दलातील महिला – पुरुष यांची मोठ्या संख्येने उपस्थिती होती.
