नांदेड| मुक्रामाबाद पोलीसांनी अवैध जुगार खेळणाऱ्या ठिकाणी छापा मारून पाच जणांवर कारवाई करुन 1 लक्ष 27 हजर 200 रुपयाचा मुद्देमाल जप्त केला आहे. या कार्यवाहीची अवैद्य जुगार अड्डे चालकाच्या खळबळ उडाली आहे.
पोलीस अधीक्षक अबिनाश कुमार यांनी अवैध धंदे करणाऱ्यावर कार्यवाही करण्याचे दिलेल्या आदेशावरून सपोनि राजु चव्हाण, पोस्टे मुक्रामाबाद यांनी दिनांक 15 जुलै 2025 रोजी दुपारी 3 वाजेच्या सुमारास पथकासह गस्त घालीत असतांना मौ. रावी येथील एका शेतात लिंबाचे झाडाखाली विना परवाना बेकायदेशिररित्या काही जण झन्ना मन्ना, तिरंट नावाचा जुगार खेळत व खेळवित असल्याची खात्रीशीर माहीती मिळाल्याने छापा टाकला.
यावेळी तिथे जगदीश गवते, लक्ष्मण आलापुरे, तुळशीराम जोरले, बालाजी देवकत्ते, ज्ञानोबा येळगे सर्व राहणार रावी ता मुखेड हे पाचजण जुगार खेळत असताना आढळून आले. त्यांचेकडे नगदी व जुगाराचे साहित्य असा एकुण 1 लक्ष 27 हजार 200 रुपयाचा मुद्देमाल मिळुन आल्याने तो पंचा समक्ष जप्त करुन जुगार खेळणाऱ्याना पोलीस स्टेशन मुक्क्रामाबाद येथे आणुन कायदेशिर कारवाई करण्यात आली आहे. मुक्रामाबाद पोलीस पथकाने अवैध धंद्यावर कारवाई करुन उत्कृष्ट कामगीरी केल्याने अबिनाश कुमार यांनी अभिनंदन केले आहे.
