Chakkajam movement : चलो मांडवी, चलो मांडवी, चलो मांडवी, शेतकरी व दिव्यांगाचे चक्काजाम आंदोलन
किनवट, परमेश्वर पेशवे| महाराष्ट्र शासनाने शेतकरी कर्जमाफीवर कोणतेच ठोस पावले उचलली नाही. या करीता मा.बच्चुभाऊ कडु यांच्या मार्गदर्शनाखाली संपूर्ण महाराष्ट्रात 7/12 कोरा व दिव्यांगाना 6000 मानधन व ईतर मागण्यांसाठी चक्काजाम आंदोलन करण्यात येत आहे.
तालुक्यातील सर्व दिव्यांग व शेतकरी, शेतमजूर, मेंडपाळ, मच्छीमार आपणास सुचीत करण्यात येथे की आदरणीय बच्चुभाऊ कडु यांचा 7 दिवसांचा अन्नत्याग आंदोलन व 7 दिवसांचा 140 की. मी.पायदळ यात्रा करुन सुद्धा महाराष्ट्र शासनाने शेतकरी कर्जमाफीवर कोणतेच ठोस पावले उचलली नाही.
त्या अनुषंगाने किनवट तालुक्यातील मांडवी येथे दिनांक 24 जुलै रोजी गुरुवारी सकाळी 10 ते 12 वाजेपर्यंत चक्काजाम आंदोलन करण्यात येणार आहे. या आंदोलनात जास्तीत जास्त शेतकरी व दिव्यांग बांधव हजर राहुन आपले मागण्या आपल्या पदरात पाडून घ्यावे. असे आवाहन भगवान मारपवार तालुकाध्यक्ष प्रहार दिव्यांग क्रांती संघटना किनवट यांनी केलं आहे.
