नवीन नांदेड| नांदेड शहर वाघाळा महानगर पालिका सिडको क्षेत्रीय कार्यालय अंतर्गत असलेल्या सिडको हडको परिसरात गणेशोत्सव काळात रोड लगत व समाज मंदिर ,धार्मिक स्थळे ,या ठिकाणी तात्काळ पथदिवे बसविण्यात यावे असे निवेदन उध्दव बाळासाहेब ठाकरे शिवसेना सिडकोचे उपशहर प्रमुख दीपक देशपांडे यांनी एका निवेदन नावामनपा शहर विधुत अभियांता ढवळे यांना दिले आहे.
सिडको हडको परिसरात नुकताच सिमेंट काँक्रीटचे रस्ता बनविण्यात आले असून दुतर्फा असलेले स्ट्रीट लाईट पोल काढण्यात आले आहेत. परंतु रस्त्या लगत विजेचे खांब बसविण्यात न आल्याने मुख्य रस्त्यावर अंधाराचे साम्राज्य पसरले असून गेल्या अनेक दिवसांपासून हा मुख्य परिसर अंधारात असल्याने तात्काळ ते बसवावेत. धार्मिक स्थळे, बुद्ध विहार ,येथे तात्काळ लाईट बसविण्यात यावे व गणेशोत्सव काळात सार्वजनिक मंडळ व होणारी गर्दी पाहता तात्काळ स्ट्रीट लाईट बसवावे अन्यथा शिवसेना स्टाईल आंदोलन करण्यात येणार असल्याचे निवेदनात नमूद करण्यात आले आहे. यावेळी शहर प्रमुख अजितसिंग टाक ,प्रमोद मैड, कृष्णा पांचाळ यांची उपस्थिती होती.
