किनवट, परमेश्वर पेशवे। कु. सुनीता तुकाराम धुर्वे रा. मांडवा ता. किनवट हिचा एमबीबीएस शासकीय वैद्यकीय महाविद्यालय अकोला येथे प्रथम फेरीतच निवड झाली असून, हे सुनीताचे कष्टाचे व मेहनतीचे फळ आहे. तिचे आई वडील कष्टकरी मजूरदार असून, आई शेतमजुरी व वडील सालगडीने राहतात.
तिचे वडील वेळोवेळी शिक्षणासाठी तिला सहकार्य करत असत स्वतःला कितीही त्रास झाला तरी आपली मुलगी व तिचे डॉक्टर होण्याचे स्वप्न पूर्ण करण्यासाठी तिला लागेल ती मदत करत राहिले. वडिलांना स्वतःला शिकता आले नाही पण मुलींना शिकवण्यासाठी दिवस-रात्र एक केले. आणि सुनीताने आपल्या आई-वडिलांच्या कष्टाची चीज केली. आणि मांडवा येथील आदिवासी समाजातील पहिली महिला डॉक्टर होणार.
समाजात व गावात एक आदर्श निर्माण करुन गावाचे नाव उज्ज्वल केल्याबद्दल आदिवासी समाजात तिच्यावर कौतुकाचा वर्षाव केल्या जात असुन तिचे स्वतःचे स्वप्न तिने साकार केल्याबद्दल तालुक्यातून कु. सुनिताचे अभिनंदन केल्या जात असुन मांडवाचे शिक्षक नरसिंगराव इरपेनवार तसेच गावकरी व समस्त मित्र मंडळ परिवारातर्फे त्यांचा मोठ्या उत्साहात सत्कार करण्यात आला आहे.
