नांदेड l रयतेचे राजे छत्रपती शिवाजी महाराज यांच्या जयंतीचे औचित्य साधून छत्रपती शिवाजी महाराज यांना अभिवादन केल्यानंतर नांदेड जिल्ह्यातील मान्यवरांना विविध पुरस्कार मिळाल्याबद्दल मराठवाडा साहित्य परिषद शाखा नांदेडच्या वतीने आज सत्कार करण्यात आला.
विसावा पॅलेस येथे आयोजित करण्यात आलेल्या या सत्कार समारंभाच्या अध्यक्षस्थानी मराठवाडा साहित्य परिषदेचे केंद्रीय कार्यकारणी सदस्य तथा ज्येष्ठ पत्रकार संजीव कुळकर्णी यांची उपस्थिती होती. यावेळी प्रमुख अतिथी म्हणून अखिल भारतीय मराठी साहित्य महामंडळाचे सदस्य , ज्येष्ठ साहित्यिक देवीदास फुलारी , मसाप शाखा नांदेडचे अध्यक्ष बालाजी इबितदार यांची उपस्थिती होती.
प्रा.मनोज बोरगावकर यांच्या नदिष्ट कादंबरीच्या गुजराती अनुवादाला गुजरात साहित्य अकादमीचा पुरस्कार जाहीर झाला आहे. स्वामी रामानंद तीर्थ मराठवाडा विद्यापीठातील भाषा संकुलाचे संचालक ज्येष्ठ लेखक , समीक्षक , अनुवादक डॉ. पृथ्वीराज यांच्या ‘ हाक शांततेसाठी’ या पुस्तकाला राज्य शासनाचा ना . धो. ताम्हणकर पुरस्कार जाहीर झाला आहे. प्रकाशन क्षेत्रात भरीव असे योगदान देणारे निर्मल प्रकाशनचे मालक , प्रकाशक निर्मल कुमार सूर्यवंशी यांना प्रकाशन क्षेत्रातील योगदानाबद्दल राज्य शासनाचा श्री. पु. भागवत जीवन गौरव पुरस्कार जाहीर झाला आहे. ज्येष्ठ कादंबरीकार प्राचार्य नागनाथ पाटील यांना प्रा. संग्राम पुल्ले स्मृती प्रतिष्ठान पुरस्कार जाहीर झाला आहे. कवयित्री अंजली मुनेश्वर यांना मूकनायक हा सन्मान घोषित झाला आहे.
या सर्व पुरस्कार प्राप्त मान्यवर लेखक ,कवी, प्रकाशकाचा सत्कार मराठवाडा साहित्य परिषद शाखा नांदेडच्या वतीने आज पार पडला . यावेळी प्रा. मनोज बोरगावकर , डॉ. पृथ्वीराज तौर , निर्मल कुमार सूर्यवंशी , प्राचार्य नागनाथ पाटील , देवीदास फुलारी, संजीव कुलकर्णी यांची यावेळी समायोचीत भाषणे झाली. पुरस्कार प्राप्त मान्यवरांचा , कवी, लेखक, प्रकाशकांचा सत्कार करण्याची उत्कृष्ट परंपरा मराठवाडा साहित्य परिषद शाखा नांदेडने सुरू केल्याबद्दल साहित्य परिषदेचे मान्यवरांनी अभिनंदन केले. या कार्यक्रमाचे सूत्रसंचालन मसापचे सहकार्यवाह राम तरटे यांनी केले.
अखिल भारतीय मराठी साहित्य महामंडळाचे केंद्रीय कार्यकारणी सदस्य देविदास फुलारी यांच्या मार्गदर्शनाखाली मसाप शाखा नांदेडचे अध्यक्ष बालाजी इबीतदार यांच्या नेतृत्वात या कार्यक्रमाच्या यशस्वीतेसाठी मराठवाडा साहित्य परिषदेचे कार्यवाह प्रा. महेश मोरे उपाध्यक्ष दिगंबर कदम प्रा. संजय जगताप प्रा ललिता बोकारे शिंदे अनुजा डोईफोडे प्रा योगिनी सातारकर यांनी परिश्रम घेतले.
यावेळी ज्येष्ठ साहित्यिक भगवान अंजनीकर , बापू दासरी , डॉ. वैजनाथ अनमुलवाड , पंडित पाटील बेरळीकर, मारुती मुंडे, शेख निजाम , गजानन मुधोळ पाटील , भैय्यासाहेब गोडबोले , प्र .श्री. जाधव, शिवाजी जोगदंड, रुचिरा बेटकर , अंजली मुनेश्वर आदींची उपस्थिती होती.
