नांदेड| हिंदुहृदय सम्राट शिवसेनाप्रमुख बाळासाहेब ठाकरे यांच्या आशीर्वादाने व शिवसेनाप्रमुख मुख्यमंत्री एकनाथ शिंदे याच्या प्रमुख उपस्थितीत आ.बालाजीराव कल्याणकर यांच्या शिफारशीनुसार नांदेड शहर युवासेना शहर प्रमुख पदी स.मनमित सिंग कुंजीवाले यांची नियुक्तीची घोषणा करून नियुक्तीचे पत्र देऊन त्यांचा सत्कार करताना मुख्यमंत्री एकनाथ शिंदे समवेत उत्तरचे आ. बालाजीराव कल्याणकर यांची उपस्थिती होती.
यावेळी शिवसेनेचे मुख्यमंत्री एकनाथ शिंदे म्हणाले की वंदनीय हिंदुरुदय सम्राट शिवसेनाप्रमुख बाळासाहेब ठाकरे यांचा हिंदुत्वाचा विचार आणि धर्मवीर आनंद दिघे यांची शिकवण यांचा आपण सक्रियपणे प्रचार आणि प्रसार कराल तसेच शिवसेना पक्ष वाढीसाठी आपण नागरिकांच्या न्याय हक्कासाठी कार्य सुरू केले असून आपल्या सामाजिक कार्याची दखल घेत स.मनमितसिंग कुंजीवाले यांची युवासेना शहर प्रमुख पदी निवड करण्यात आली आहे.
स.मनमित सिंग यांचा युवकांमध्ये जनसंपर्क दांडगा असल्याने उपक्रमशिल युवकांना युवासेनेच्या माध्यमातून कार्य करण्याची संधी देण्यात येणार आहे असे आ. बालाजीराव कल्याणकर यांनी निवडीबद्ल सांगितले तर स.मनमितसिंग कुंजीवाले यांनी सांगितले की युवकांच्या विविध अडीअडचणी व न्याय हक्का साठी प्रश्न सोडविण्यासाठी पक्षाच्या माध्यमाने कठीबद्ध असल्याची भावना त्यांनी व्यक्त केली. तसेच लवकार आपण युवासेनेच्या माध्यमातून युवकांसाठी भव्य नोकरी व रोजगार मेळावा देखील आयोजित करणार व पक्षाचे कार्य तळागाळापर्यंत पोहोचवणार असल्याची भावना व्यक्त केली. या निवडीबद्दल स.मनमितसिंग कुंजिवाले यांचे सर्वत्र अभिनंदन होत आहे.
