नांदेड| चीन येथील टाईपाई येथे होणा-या दुसरी एशियन युनिव्हर्सिटी अर्चरी क्रीडा स्पर्धा -२०२४ साठी स्वामी रामानंद तीर्थ मराठवाडा विद्यापीठातील खेळाडू तेजबीरसिंघ जहागीरदार यांची निवड झाली आहे.
ही स्पर्धा दि. ३० ऑगष्ट ते १ सप्टेंबर २०२४ दरम्यान चिन येथील टाईपाई येथे संपन्न होणार आहे. कलिंगा इटिटयूट ऑफ टेक्नोलॉजी भुनेश्वर येथे दि. १२ ते १४ जुलै दरम्यान निवड चाचणी घेण्यात आली होती. त्यामध्ये विद्यापीठातर्फे तेजबीरसिंघ जागीरदार याने सहभाग घेतला होता. त्यात तेजबीरसिंघ जहागीरदार यांची या स्पर्धेसाठी निवड झाली आहे. या निवडी बाबतचे पत्र कलिंगा इटिटयूट ऑफ टेक्नोलॉजी भुनेश्वर यांनी विद्यापीठास दिले आहे.
त्यांच्या या निवडीबद्दल विद्यापीठाचे कुलगुरु डॉ. मनोहर चासकर यांनी तेजबीरसिंघ जहागीरदार यांचा सत्कार करून शुभेच्छा दिल्या. यावेळी विद्यापीठाचे कुलसचिव डॉ. शशिकांत ढवळे, परीक्षा व मूल्यमापन मंडळाचे संचालक डॉ. दिगंबर नेटके, वित्त व लेखाधिकारी महमद शकील, क्रीडा संचालक डॉ. मनोज रेड्डी, व्यवस्थापन परिषद सदस्य डॉ. प्रशांत पेशकार, डॉ. नरेंद्र चव्हाण, प्राचार्य डॉ. महादेव गव्हाणे, डॉ. सुर्यकांत जोगदंड, डॉ. सिंकू कुमार सिंह, डॉ. नारायण चैधरी, डॉ. सुरेखा भोसले, डॉ. संतराम मुढे, हनुमंत कंधारकर, प्राचार्य डॉ. मा. मा. जाधव यांच्यासह चरणकमलजितसिंघ जहागीरदार, रोशनसिंघ जहागीरदार, पप्पू देशमुख व क्रीडा विभागातील संजयसिंह ठाकूर, के. एम. हसन, शिवाजी हंबर्डे, सुनिल लुटे, रतनसिंघ पुजारी आदीनी शुभेच्छा दिल्या.
