नांदेड| अवैध वाळू उपसा करणाऱ्यांवर स्थानिक गुन्हे शाखेने (एलसीबी) मोठी कारवाई करत तब्बल ४९ लाख ५० हजार रुपयांचा मुद्देमाल जप्त केला आहे. या कारवाईमुळे अवैध वाळू माफियांमध्ये खळबळ उडाली आहे.
पोलिसांना मिळालेल्या गुप्त माहितीच्या आधारे दिनांक २३ मार्च रोजी एलसीबीच्या पथकाने सापळा रचत ही कारवाई केली. यावेळी अवैध वाळू वाहतूक करणाऱ्या वाहनांवर छापा टाकण्यात आला. कारवाई दरम्यान १ ब्रास अवैध वाळू (₹५०,०००) तसेच हायवा (₹४९ लाख) असा एकूण ₹४९.५० लाखांचा मुद्देमाल जप्त करण्यात आला.
या प्रकरणी वाजेगाव,नांदेड आणि रा. बोंडार, उमरी येथील चालकाविरुद्ध गुन्हा दाखल करण्यात आला असून पुढील तपास सुरू आहे. ही कारवाई पोलीस अधीक्षक अविनाश कुमार, अपर पोलीस अधीक्षक अर्चना पाटील व इतर वरिष्ठ अधिकाऱ्यांच्या मार्गदर्शनाखाली स्थानिक गुन्हे शाखेच्या पथकाने केली.
या धडक कारवाईमुळे जिल्ह्यात सुरू असलेल्या अवैध वाळू उपशावर मोठा आळा बसण्याची शक्यता व्यक्त होत असून, प्रशासनाच्या या कारवाईचे सर्वत्र स्वागत केले जात आहे.
