बिलोली, गोविंद मुंडकर। येथील आंबेडकर नगरात राहणाऱ्या दोन सख्ख्या भावात संपत्तीच्या कारणावरून वाद होऊन लहान भावाने मोठ्या भावाचा खून केल्याची घटना बुधवारी मध्यरात्रीच्या सुमारास घडली.याबाबत बिलोली पोलीस स्थानकात गुन्हा दाखल करण्यात आला आहे.
याबाबत सविस्तर वृत्तांत असा की, बिलोली शहरातील आंबेडकर नगर येथे राहणाऱ्या लाखे परिवारात संपत्तीच्या कारणावरून अनेक दिवसापासून वाद असल्याचे समोर आले आहे. या वादातून दोन भावात वैमनस्य पसरले आणि त्याचे रूपांतर खुनात झाल्याचे प्रथम दर्शनी तपासात पुढे आले आहे. आंबेडकर वसाहतीत सांस्कृतिक कार्यक्रम सुरू असताना लहान भावाने मोठ्या भावाचा अज्ञात इसमाने खून केल्याची बाब कळविले.
वस्तीतील लोकांच्या माहितीवरून पोलिसांनी अधिक तपास केला असता भावानेच भावाचा संपत्तीच्या कारणावरून खून केल्याची बाब प्रथमदर्शनी समोर आलेली आहे. लहान भावाने छातीवर चाकूने मारून खून केल्याची घटना दि १६/एप्रिल रात्री ११वाजता घडली. पोलिस उप निरीक्षक लोखंडे यांच्या फिर्यादीवरून बिलोली पोलिस स्टेशनमध्ये विविध कलमान्वये गुन्हा दाखल करण्यात आला.मयताच्या संशयित लहान भावास अटक करण्यात आली आहे.
शहरातील अंबेडकर नगर येथील रहिवासी सुनील प्रल्हाद लाखे व नागेश प्रल्हाद लाखे या दोन सख्ख्या भावात झालेल्या दि 16 एप्रिल 2025 रोजीच्या वादात चे रूपांतर खुन झाल्याची बिलोली पोलीस स्थानकात नोंद घेण्यात आली. मयताचा छोटा भाऊ नागेश प्रल्हाद लाखे यांनी आपला मोठा भाऊ सुनील प्रल्हाद लाखे यांचा खून केल्याचे समोर आले आहे. याबाबत पोलिस उपनिरीक्षक शिवराज लोखंडे यांच्या फिर्यादीवरून बिलोली पोलिस स्टेशन येथे गु,र, क्र, 89/25 103(2)B, N,S, नुसार गुन्हा दाखल करण्यात आला आहे पुढिल तपास स,पो, कमल शिंदे हे करीत आहेत.
