नांदेड। इयत्ता 10 वी, 12वी आणि पदवीनंतर कोणत्या क्षेत्रात करिअर करावे याबाबत सर्वांनाच चिंता असते. विद्यार्थ्यांनी यशाचा मार्ग कसा निवडावा यावर मार्गदर्शन करण्यासाठी मातोश्री प्रतिष्ठाण या संस्थेने करियर गायडन्स कार्यक्रमाचे आयोजन केले आहे.
विद्यार्थी व पालकांच्या मनातील सर्व शंकांचे निरसन करणारा परिपूर्ण कार्यक्रम म्हणजे करिअर गायडन्स प्रोग्राम आणि या कार्यक्रमास मार्गदर्शक म्हणून ग्रामविकास विभागाचे मा. अति मुख्य कार्यकारी अधिकारी तथा सुप्रसिद्ध कवी – कथाकार, प्रेरणादायी व्याख्याते इंद्रजीत देशमुख विद्यार्थी व पालकांशी संवाद साधण्यासाठी उपस्थित राहणार आहेत.
विद्यार्थ्यांसाठी दिशादर्शक – मार्गदर्शक आणि सन्मान सोहळ्याचे आयोजन दिनांक 30 जून 2024 रोजी सकाळी 10.30 वाजता जिजाऊ नगर, लातूर रोड, खूपसरवाडी, विष्णुपुरी, नांदेड- लातूर रोड येथिल मातोश्री प्रतिष्ठानच्या कॉन्फरन्स हॉलमध्ये आयोजित करण्यात आला आहे. नांदेड शहर व जिल्ह्यातील सर्व विद्यार्थ्यांनी या कार्यक्रमाचा लाभ घ्यावा असे आवाहन मातोश्री प्रतिष्ठानच्या अध्यक्षा जयश्री कामाजी पवार, सचिव व्ही. व्यंकट चारी, व्यवस्थापकीय संचालक अरविंद पाटील, विश्वस्त कामाजी पवार, मुख्य कार्यकारी अधिकारी शिवाजीराव कपाळे, कैंम्पस डायरेक्टर डॉ. सतिष आलमपल्लेवार, इंजि. शिवाजीराजे पाटील, स्कूल ऑफ इंजीनियरिंग चे अधिष्ठाता डॉ फसिऊद्दिन काझी, विश्वभारती पॉलिटेक्निक इंन्स्टिट्युटचे प्राचार्य शहाजी देशमुख, स्कुल ऑफ मैनेजमेंटचे डिन प्रा सदानंद शिंदे, प्रशासकीय अधिकारी प्रवीण किणीकर, ट्रेनिंग अँड प्लेसमेंट ऑफिसर प्रा. किरण केजकर, जनसंपर्क अधिकारी संगमेश्वर लांडगे यांनी केले आहे.
दरवर्षीप्रमाणे याही वर्षी मानाचा समजला जाणारा मातोश्री शिक्षारत्न पुरस्कार २०२४, मातोश्री समाजरत्न पुरस्कार २०२४, मातोश्री उद्योगरत्न पुरस्कार २०२४, मातोश्री पर्यावरणमित्र पुरस्कार २०२४, मातोश्री कृषीरत्न पुरस्कार २०२४ चे उपस्थित मान्यवरांच्या हस्ते सन्मान पुरस्काररुपी उत्कृष्ट कार्य करणाऱ्या व्यक्तिमत्वास प्रदान करण्यात येणार आहे.
