Nanded Airport : धुलीवंदनाच्या पर्वावर नांदेडकरांना ‘आकाशभरारी’ची भेट!
नांदेड | धुलीवंदनाच्या आनंददायी पर्वावर नांदेडकरांसाठी अत्यंत सुखद वार्ता समोर आली आहे. नांदेड येथून बहुप्रतिक्षित नांदेड–गोवा विमानसेवा ३१ मार्चपासून सुरू होत असून, त्याचबरोबर नांदेड–नागपूर विमानसेवाही पुन्हा प्रवाशांच्या सेवेत दाखल होणार आहे.
उपलब्ध माहितीनुसार Star Air कंपनीची गोवा (मोपा) – नांदेड – नागपूर ही विमानसेवा मार्च अखेरीस सुरू होणार आहे. शुक्रवार वगळता आठवड्यातील सहा दिवस ही सेवा उपलब्ध राहणार असून, वेळापत्रक पुढीलप्रमाणे असेल.
वेळापत्रक:
गोवा (मोपा) – नांदेड
सकाळी ९:३० वा. गोवा (मोपा) वरून उड्डाण
सकाळी १०:५० वा. नांदेड येथे आगमन
नांदेड – नागपूर
सकाळी ११:२० वा. नांदेडहून उड्डाण
दुपारी १२:१० वा. नागपूर येथे आगमन
नागपूर – नांदेड
दुपारी १२:४० वा. नागपूरहून उड्डाण
दुपारी १:३० वा. नांदेड येथे आगमन
नांदेड – गोवा (मोपा)
दुपारी २:०० वा. नांदेडहून उड्डाण
दुपारी ३:२० वा. गोवा (मोपा) येथे आगमन
याशिवाय Fly91 ही विमान कंपनी २९ मार्चपासून नांदेड–बंगळुरू विमानसेवा सुरू करणार आहे. त्यामुळे नांदेडहून बंगळुरूसाठी दोन विमानसेवा उपलब्ध होणार आहेत.
या तिन्ही सेवा सुरू झाल्यानंतर Shri Guru Gobind Singh Ji Airport येथून मुंबई, पुणे, नागपूर, गाझियाबाद (हिंडन), अहमदाबाद, गोवा, बंगळुरू आणि हैद्राबाद या आठ शहरांसाठी थेट विमानसेवा उपलब्ध होणार आहे.
नांदेडच्या सर्वांगीण विकासाच्या दृष्टीने हे एक मोठे आणि महत्त्वपूर्ण पाऊल मानले जात आहे. उद्योग, पर्यटन, शिक्षण आणि व्यावसायिक क्षेत्राला निश्चितच याचा मोठा फायदा होणार असून, मराठवाड्याच्या संपर्कक्षमतेत मोठी भर पडणार आहे. नांदेडकरांसाठी ही खऱ्या अर्थाने प्रगतीची ‘आकाशभरारी’ ठरणार आहे.
