rural police station : ग्रामीण पोलीस स्टेशन हद्दीत सार्वजनिक गणेशोत्सव मंडळाच्यी जय्यत तयारी -NNL
नवीन नांदेड| नांदेड ग्रामीण पोलीस स्टेशन हद्दीत असलेल्या सिडको हडको परिसरासह ग्रामीण भागात सार्वजनिक जयंती मंडळ यांनी परवानगी घेणे, मंडप सज्जावट यासह अनेक कामे अंतिम टप्प्यात आली असून ग्रामीण पोलीस स्टेशन येथे ग्रामीण शहरी भागातील जवळपास २५ सार्वजनिक गणेशोत्सव मंडळांनी परवानगी साठी ऑनलाईन अर्ज केले आहेत.
७ सप्टेंबर रोजी गणेश बाप्पा आगमन होणार असून दोन दिवस शिल्लक असल्याने सार्वजनिक गणेशोत्सव मंडळ पदाधिकारी यांनी परराज्यातील तेलंगणा व आंध्रप्रदेश तर महाराष्ट्र राज्यातील विदर्भ भागातील अमरावती, उमरखेड,लातूर जिल्ह्यातील अहमदपूर, नांदेड जिल्ह्यातील लोहा ,नांदेड शहरातील गाडीपुरा,जुना व नवीन कौठा भागातील, साईबाबा मंदीर वसरणी परिसरातील गणेश मूर्ती कारखाना येथुन आकर्षक व सुबक अशा गणेश मूर्ती आणल्या तर काही मंडळानी बुकिंग केले आहेत.
सार्वजनिक गणेशोत्सव मंडळ यांनी शहरी भागातील मनपा क्षेत्रीय कार्यालय नाहरकत परवानगी तर ग्रामीण भागातील गणेश मंडळ यांनी ग्रामपंचायत परवानगी व महावितरण विज पुरवठा परवानगी घेऊन ग्रामीण पोलीस स्टेशन येथे परवानगी साठी ऑनलाईन अर्ज दाखल केले आहेत, यात शहरी व ग्रामीण यांनी २५ अर्ज दाखल केले आहेत.
सिडको व हडको शहरातील औकांर गणेश मंडळ हडको यांनी हैदराबाद येथुन युवा शक्ती गणेश मंडळ हडको यांनी नांदेड शहरातून ,वैभव नगर सार्वजनिक गणेशोत्सव मंडळ हडको, सिडको परिसरातील अनेक गणेश मंडळांनी ,तर संभाजी चौक भागातील काळा हनुमान मंदिर गणेशोत्सव मंडळ ,शिव मंदीर सिडको समोरील मोरया गणेश मंडळ यांच्या सह सिडको हडको भागातील अनेक गणेश मंडळ ,ग्रामीण भागातील अनेक सार्वजनिक गणेश मंडळ यांनी मंडप सजावट सह जय्यत तयारी केले.
