नवीन नांदेड| श्री हुजूर साहेब नांदेड सिडको ते शिर्डी पदयात्रेला भाविक भक्तांचा मोठ्या प्रमाणात सहभाग होता, महाआरती झाल्यानंतर साईबाबा कि जय, साईनाथ महाराज की जय या घोषणा देत या पदयात्रेला सुरूवात झाली. सिडको हडको परिसरातील मुख्य मार्गावर विविध ठिकाणी फटाक्यांची आतिषबाजी, पुष्पवृटी ढोलताशांच्या गजरात मार्गक्रमण करतांना विविध भागात साईबाबा पालखी पुजन व सहभागी यात्रेकरूंना चहा, फराळ, फळे वाटप करण्यात आली. तर या यात्रेत खासदार अशोकराव चव्हाण यांच्या सह सामाजिक राजकीय शैक्षणिक क्षेत्रातील अनेक जणांनी व पत्रकार यांच्या सह महिला युवक युवती यांनी मोठ्या संख्येने सहभाग नोंदवला.
दरवर्षी प्रमाणे याही तेराव्या वर्षी श्रावणमास निमित्ताने साईबाबा नगर . सिडको नांदेड हुजूर साहेब येथुन शिर्डी पालखी सोहळा आयोजित करण्यात आला होता. या पदयात्रेत जवळपास १०० भाविक भक्त सहभागी होणार असून, ही यात्रा ४१७ किलोमीटर आहे,यात पहिल्या दिवशी सिडको मरळक,आरळ, परभणी, पाळोदी,पाथरी,आष्टी,पिपरखेडा, नेवासा मार्ग शिर्डी २० आगस्ट रोजी ही पदयात्रा पोहचणार आहे.
६आगस्ट रोजी या पदयात्रेची सुरूवात महाआरतीने करण्यात आल्यानंतर सहभागी भाविक भक्तांचा सत्कार करण्यात आला. तर या पदयात्रेत भाजपा खासदार अशोकराव चव्हाण ,नांदेड भाजपा महानगर अध्यक्ष दिलीप कंदकुर्ते , युवा नेते संजय पाटील घोगरे, डॉ.नरेश रायेवार, विनोद कांचनगिरे, आकुरंगे, जयश्री जैस्वाल,वृक्ष मित्र मोहनराव पाटील घोगरे, विनोद कांचनगिरे, अनसाजी पाटील घोगरे, अतुल धानोरकर, यन्न्नावार परिवार यांच्या सह सामाजिक, राजकीय, व विविध क्षेत्रातील मान्यवर व पत्रकार बांधव सहभागी झाले होते.
मिरवणूक मार्गावर अनेक ठिकाणी पालखी पुजन,फटाक्याची आतिषबाजी,पुष्पवृटी करण्यात आली. तर सहभागी भाविक साठी हडको येथे खिचडी वाटप तर पाणी वाटप व शिवाजी चौक सिडको येथे पुरी भाजी चे आयोजन छत्रपती शिवाजी महाराज चौक मित्र मंडळ यांच्या वतीने करण्यात आले होते. ही यात्रा सिडको मार्ग संभाजी चौक लातुर फाटा मार्ग जुना कौठा,नवीन पुल,जुना मोढा, वजिराबाद,कलामंदीर ,तरोडा नाका मार्ग निळा या ठिकाणी पहिला मुकाम करणार आहे,पदयात्रा यशस्वी साठी अध्यक्ष गणेश शामलाल जयस्वाल व ऊपाध्यक्ष मारोती वाघमारे ,साईबाबा पालखी सोहळा पदाधिकारी परिश्रम घेत आहेत.
