नांदेड| बाल विकास प्रकल्प अधिकारी नागरी नांदेड शहर या कार्यालयातील अंगणवाडी मदतनीसांचे रिक्त पदे सरळ नियुक्तीने भरण्यात येत आहेत. नांदेड वाघाळा शहर महानगरपालिका अंतर्गत पात्र स्थानिक रहिवासी असलेल्या महिला उमेदवारांकडून विहित नमुन्यात अर्ज मागवविण्यात आले होते.
आता या कार्यालयांतर्गत काही अंगणवाड्यांवर मदतनिसाची पदे रिक्त झाली आहेत. ही रिक्त झालेल्या पदावर भरती प्रक्रीया-2023 च्या निवड यादीतील प्रतिक्षा यादीतील उमेदवारांना नियुक्ती द्यायची आहे. तरी प्रतिक्षा यादीतील उमेदवारांनी मुळ कागदपत्रांची तपासणी करण्यासाठी 23 ऑगस्ट 2024 पर्यत बाल विकास प्रकल्प अधिकारी नागरी नांदेड शहर या कार्यालयात उपस्थित राहावे, असे आवाहन बाल विकास प्रकल्प अधिकारी नागरी नांदेड शहर विजय सिताराम बोराटे यांनी केले आहे.
