Kaleshwar temple ; पाचव्या श्रावण सोमवार निमित्ताने तिर्थक्षेत्र काळेश्वर मंदिरात भाविकांची मुसळधार पावसातही दर्शनासाठी साठी गर्दी… – NNL
नवीन नांदेड| श्रावण महिन्यातील शेवटच्या पाचव्या श्रावण सोमवार निमित्ताने पंचक्रोशीतील अनेक गावातील भाविकांचे श्रध्दास्थान असलेल्या तिर्थक्षेत्र काळेश्वर विष्णूपुरी येथे हजारो भाविक भक्तांनी मोठया संख्येने दर्शन घेतले यावेळी डॉ. सचिन पाटील ऊमरेकर, डॉ.प्रमोल शंकरराव हंबर्डे, सरपंच प्रतिनिधी राजु हंबर्डे,ऊपसरपंच प्रतिनिधी विश्वनाथ हंबर्डे यांनी विधीवत पुजन करून दर्शन घेतले तर ग्रामीण पोलीस स्टेशन पोलीस निरीक्षक नागनाथ आयलाने यांनी पोलीस कर्मचारी यांच्या कडेकोट बंदोबस्त ठेवला होता, यावेळी नंदीकाठ तिरावर जीवरक्षक दलासह , पोलीस,होमगार्ड, यांनी कडेकोट पोलीस बंदोबस्त ठेवला होता, विश्वस्त समिती यांच्या वतीने दर्शनासाठी विशेष व्यवस्था केली होती, संततधार पाऊस असुनही भाविक भक्तांनी दर्शनासाठी गर्दी केली होती.
२ सप्टेंबर रोजी श्रावण महिन्याचा शेवटचा पाचव्या सोमवार निमित्ताने पुजारी रामेश्वर अप्पा महाराज धनमणे ,सतिश धनमणे,यांनी विधीवत पुजन व आरती नंतर दर्शनासाठी भाविक भक्तांन दर्शनासाठी सोडण्यात आले, यावेळी माजी जिल्हा परिषद सदस्य साहेबराव हंबर्डे ,विश्वस्त समितीचे सचिव शंकरराव हंबर्डे,धारोजी हंबर्डे, मारोतराव हंबर्डे ,बालाजी हंबर्डे, सतिश भेंडेकर,गणेश धनमणे,गंगाधर वाघमारे यांच्या सह गावातील युवकांनी सहकार्य केले. भाविक भक्तांसाठी एकलारे अप्पा यांच्या वतीने महाप्रसादाचे आयोजन करण्यात आले होते.
श्रावण सोमवार निमित्ताने भाविकांची होणारी गर्दी पाहता ऊपविभागीय पोलीस अधिकारी सुशिल कुमार नायक लयांच्या आदेशानुसार ग्रामीण पोलीस स्टेशनचे पोलीस निरीक्षक नागनाथ आयलाने यांनी अधिकारी, पोलीस अमलंदार, महिला पोलीस कर्मचारी व होमगार्ड यांच्या कडेकोट बंदोबस्त ठेवला होता. गोदावरी नदीच्या पात्रात भरमसाठ पाणी आल्याने नदीकाठी जीवरक्षक दलासह ,पोलीस बंदोबस्त ठेवण्यात आला होता,सकाळ पासूनच मोठ्या प्रमाणात महिला युवक नागरिक मोठ्या संख्येने दर्शनासाठी गर्दी केली होती.
