श्रीक्षेञ माहूर, कार्तिक बेहेरे। किनवट / माहूर विधानसभेसाठी पुन्हा भाजपने या भागाचे विद्यमान आमदार भिमराव केराम यांना दुसऱ्यांदा उमेदवारी घोषीत केली आहे. उमेदवारी घोषित झाल्या नंतर त्यांनी मंगळवार दि.२२ ऑक्टों. रोजी श्री दत्तशिखर येथील दत्त मंदिरात पूजाअर्चा करून प. पू. प.म. मधुसूदनजी भारती महाराज यांचे आशीर्वाद घेतले. तसेच श्री रेणुकामाता मंदिरात जाऊन महाआरती केली. यावेळी विश्वस्त चंद्रकांत भोपी व संजय काण्णव यांनी त्यांचा सत्कार केला.
माहुर शहरात आल्यानंतर आ. केराम यांनी श्री देवदेवेश्वर मंदिरात जाऊन दत्तात्रेय स्वामी यांचे दर्शन प.पू.प.म. मधुकरशास्त्री व कवीश्वर यांचे आशीर्वाद घेतले. यावेळी त्यांचे समवेत भाजपा तालुकाध्यक्ष कांतराव घोडेकर, अनिल वाघमारे, पद्मा गि-हे, महीला मोर्चाच्या शहराध्यक्ष स्वाती आडे, मंगला जोशी, तालुका सरचिटणीस अर्चना दराडे, अनिल वाघमारे, नगरसेवक सागर महामुने, नंदकुमार जोशी, विनोद सुर्यवंशी, आनंद मच्छेवार, संतोष मरसकोल्हे, निळकंठ मस्के, जीवन अग्रवाल, दत्ता शेरेकर, नंदु कोलपवार, अनुदीप कोरटकर, कैलास फंड, राजू दराडे, सुरेश गि-हे, शामराव कुमरे, अशोक जोशी, बालाजी गेंटलवार, निलेश तायडे, सदानंद पुरी यांचेसह अनेक कार्यकर्ते उपस्थित होते.
