किनवट, परमेश्वर पेशवे| पत्नीला तिचा मित्र सतत बोलत असल्याच्या कारणावरून सचिन राठोड या तरुणांनी विषारी औषध प्राशन करून आत्महत्या केल्याची धक्कादायक घटना 23 जुलै रोजी किनवट तालुक्यातील सहस्त्रकुंड धबधबा पर्यटन स्थळ येथे ही घटना घडली. मयत तरुणाच्या नातेवाईकांनी आत्महत्येस भाग पाडणाऱ्या तरुणाविरुद्ध इस्लापूर पोलिसात तक्रार दिल्याने त्या तरुणाविरुद्ध गुन्हा दाखल करण्यात आला.
माहूर तालुक्यातील भिमपुर येथील सचिन विजय राठोड या तरुणाची पत्नी आपला मित्र उमरखेड तालुक्यातील मुरली येथील स्वप्निल राठोड यांच्यासोबत सतत मोबाईलवर बोलत असायची सचिनने पत्नीला वेळोवेळी समजावले परंतु त्याचा उपयोग झाला नाही त्यांनी पत्नीच्या वागण्याला कंटाळून मंगळवार 23 जुलै रोजी सकाळी दहा ते अकराच्या दरम्यान सुप्रसिद्ध असलेल्या सहस्रकुंड धबधबा पर्यटन स्थळ परिसरात कुठले तरी विषारी औषध प्राशन करून आत्महत्या केली.
याप्रकरणी मयत सचिन राठोड यांचे भाऊ नितीन राठोड यांनी दिलेल्या तक्रारीवरून इस्लापूर पोलिसांनी त्याच्या आत्महत्येस कारणीभूत ठरलेल्या मुरली येथील स्वप्निल राठोड या तरुणाविरुद्ध गुन्हा दाखल केला असून या प्रकरणाचा अधिक तपास सहाय्यक पोलीस निरीक्षक उमेश भोसले हे करीत आहेत.
