नांदेड| जिल्ह्यातील 24 वर्ष सेवा पूर्ण होऊन निवड श्रेणी प्रशिक्षण पूर्ण करणाऱ्या अर्हताधारक 1 हजार 138 शिक्षकांना निवड श्रेणी प्रदान करण्यात आली आहे. नांदेड जिल्हा परिषदेच्या मुख्य कार्यकारी अधिकारी मीनल करनवाल आणि प्राथमिक शिक्षण अधिकारी डॉ सविता बिरगे यांनी या कामी पुढाकार घेतल्यामुळे शिक्षकांना निवड श्रेणी प्रदान करणे शक्य झाले.
चटोपाध्याय आयोगाच्या शिफारशीनुसार वरिष्ठ श्रेणीतील 12 वर्षाच्या अहर्ताकरी सलग सेवेनंतर निवड श्रेणी लागू करण्यात येते. निवड श्रेणी मिळण्यासाठी संबंधित शिक्षकांनी वरिष्ठ वेतनश्रेणीत 12 वर्षाची सेवा पूर्ण केली असली पाहिजे, सेवांतर्गत प्रशिक्षण पूर्ण केले पाहिजे, प्राथमिक शिक्षकांनी प्रशिक्षित पदवीधराची पात्रता धारण केली पाहिजे. यासाठी 2 हजार 753 प्रस्ताव कार्यालयास प्राप्त झाले होते.
त्यापैकी 476 प्रस्ताव अपात्र ठरले असून 1 हजार 138 यासाठी पात्र झाले आहेत. उपलब्ध 1 जानेवारी 1986 ते 1995- 96 पर्यंत चट्टोपाध्याय प्रदान केलेल्या शिक्षकांतून निवड श्रेणी देण्यात आलेली आहे. ही निवड श्रेणी त्या त्या संवर्गातील वरिष्ठ सेवेतील 20% पदांना सेवा जेष्ठतेनुसार देय असते.
