हिमायतनगर| भारतीय जनता पार्टीचे मराठवाडा संघटन मंत्री संजयजी कोडगे यांच्या वाढदिवसानिमित्त हिमायतनगर भाजपातर्फे शालेय विद्यार्थ्यांना वही, पेन, आणि शासकीय रुग्णालयात रुग्णांना फळ वाटप करून वाढदिवस साजरा करण्यात आला.
नांदेड जिल्ह्यात भारतीय जनता पार्टीचे संघटन अधिक मजबूत व्हावे यासाठी मराठवाडा संघटनमंत्री संजयजी कोडगे काम करत आहेत. भारतीय जनता पार्टीच्या सदस्य नोंदणी अभियानात नांदेड जिल्ह्यातील कार्यकर्त्यान कडून उत्कृष्ठ काम करून घेतल्यामुळे ते सर्व परिचित झाले आहेत. दिनांक 22 एप्रिल रोजी त्यांच्या वाढदिवसा निमित्ताने हिमायतनगर भारतीय जनता पार्टीचे तालुका अध्यक्ष गजानन चायल यांच्या पुढाकारातून शहरातील जिल्हा परिषद केंद्रीय प्राथमिक शाळेतील 500 विद्यार्थ्यांना वही पेन वाटप करून तेथील एकल पालकांचे पालकत्व स्वीकारले आहे.
असेच हिमायतनगर येतील ग्रामीण रुग्णालयातील रुग्णांना फळे वाटप करून संजयजी कोडगे यांचा वाढदिवस साजरा करण्यात आला. यावेळी तालुका अध्यक्ष गजानन चायल, शहराध्यक्ष विपुल दंडेवाड, रुपेश नाईक, पाकलवाड सर, प्रकाश सेवनकर, दुर्गेश मंडोजवार, परमेश्वर नागेवाड, विशाल शिंदे, प्रशांत ढोले, भाजपा सोशल मीडिया जिल्हा संयोजक नागेश शिंदे, यांच्यासह भाजपा पदाधिकारी व कार्यकर्ते मोठ्या संख्येने उपस्थित होते.
