हिमायतनगर,अनिल मादसवार| हिमायतनगर नगर परिषदेचे पहिले नगराध्यक्ष अब्दुल अखिल अब्दुल हमीद यांच्या जनसंपर्क कार्यालयाचा शुभारंभ आज माजी आमदार माधवराव पाटील जवळगांवकर यांच्या हस्ते संपन्न झाला.
या प्रसंगी विविध क्षेत्रातील मान्यवरांची उपस्थिती लाभली असून, नागरिकांच्या सेवेसाठी हे कार्यालय कार्यरत राहील अशी माहिती प्रथम नगराध्यक्ष अब्दुल अखिल अब्दुल हमीद यांनी यावेळी दिली. त्यांच्या या जनसंपर्क कार्यालयाचा फायदा जनसेवेसाठी होईल अशी अपेक्षा माजी आमदार माधवराव पाटील जवळगांवकर यांनी व्यक्त करत शुभेच्छा दिल्या.
यावेळी माजी जी.प.सदस्य समद खान, सुभाष राठोड, गणेश शिंदे, गजानन सूर्यवंशी, फेरोज खान पठाण, संजय माने, मायंबा होळकर, राजू झरेवाड, आदींसह कार्यक्रमात स्थानिक कार्यकर्ते, जनप्रतिनिधी आणि नागरिक, काँग्रेस सह विविध पक्षाच्या कार्यकर्त्यांनी उपस्थित होऊन शुभेच्छा दिल्या. यावेळी मोठ्या संख्येने कार्यकर्ते नागरिक उपस्थित झाले होते.
