नांदेड

हिमायतनगर, उत्कर्ष मादसवार| हिमायतनगर शहरातून अमराई पार्डी पॉईंट ते टेंभी गावाकडे जाणाऱ्या सुमारे ४ किलोमीटर रस्त्याचे काम गेल्या चार महिन्यांपासून सुरू असले तरी अद्यापही पूर्ण झालेले नाही. रस्त्यावर टाकून ठेवलेल्या गिट्टी व बांधकाम साहित्यामुळे नागरिकांना ये-जा करताना मोठ्या अडचणींचा सामना करावा लागत असून, स्थानिकांमध्ये तीव्र नाराजी व्यक्त होत आहे. दरम्यान, आज सकाळी प्रवासी घेऊन जाणारे एक ऑटो रस्त्यावर टाकलेल्या खडी व मातीमुळे घसरून खड्ड्यात झुकल्याची घटना घडली. सुदैवाने या अपघातात कोणतीही जीवितहानी झाली नाही, मात्र मोठा अनर्थ टळला. या घटनेमुळे नागरिकांमध्ये भीतीचे वातावरण निर्माण झाले असून, भविष्यात मोठी दुर्घटना घडण्याची शक्यता व्यक्त केली जात आहे. स्थानिक नागरिकांचे म्हणणे आहे की, रस्त्याचे काम सुरू असताना ठेकेदाराने पर्यायी रस्ता उपलब्ध करून देणे आवश्यक असते. मात्र या ठिकाणी कोणतीह...