नांदेड| येथील ऐतिहासिक गुरुद्वारा लंगर साहिब च्या वतीने ४ ऑगस्ट रोजी नांदेड येथे सालाना बरसी उत्सव होणार आहे. या उत्सवा निमित्ताने पंजाब सह देश विदेशातील अनेक संत महापुरुष व भक्त मंडळी नांदेड येथे येणार आहेत. उत्सवा ची जय्यत तयारी सुरू झाली असल्याची माहिती लंगर साहिब चे प्रमुख जत्थे दार संत बाबा नरेंद्रसिंघ व संत बाबा बलविंदरसिंघ यांनी दिली आहे.
दि २,३,४ ऑगस्ट २०२४ दरम्यान नांदेड येथील लंगर साहिब गुरुद्वाराचे संस्थापक संत बाबा निधानसिंघजी, संत बाबा हरणामसिंघजी, संत बाबा आत्मासिंघजी व संत बाबा शीशासिंघजी कारसेवावाले यांची सालाना बरसी साजरी करण्यात येणार आहे. लंगर साहिबचे प्रमुख जत्थेदार संत बाबा नरेंद्रसिंघ आणि संत बाबा बलविंदरसिंघ यांच्या मार्गदर्शनाखाली हा उत्सव साजरा होणार आहे.
बरसी निमित्त विविध धार्मिक कार्यक्रम आयोजित करण्यात येत आहेत. कीर्तन, प्रवचन, रागी जत्थे, लंगर महाप्रसाद आदी कार्यक्रमाचा या उत्सवात समावेश राहणार आहे. सचखंड गुरुद्वाराचे मुख्य पुजारी सिंघ साहिब संत बाबा कुलवंतसिंघ व पंचप्यारे साहेबांन, संत बाबा गुरूदेवसिंघ शहिदीबाग आनंदपूर साहिब, नानकसर संप्रदाचे मुखी संत बाबा घालासिंघ, संत बाबा जोगा सिंघ कर्नालवाले, संत बाबा महेंद्रसिंघ अयोध्या, संत बाबा रवींद्रसिंघ नानकसरवाले, बुड्डा दल वाले संत संत बाबा आतमा सिंघ जी मोनी संत बाबा शीशा सिंघ जी बाबा जसासिंघ, संत बाबा अवतारसिंघ विबीचंद,माता साहिब गुरुद्वाराचे जत्थेदार संत बाबा तेजासिंघ, गुरुद्वारा बोर्डाचे प्रशासक सरदारडॉ विजय सतबिर सिंघ यांची उपस्थिती राहणार आहे.
लंगर साहिब गुरुद्वाराच्या सालाना बरसी उत्सवाची जय्यत तयारी सुरू आहे. लंगर साहिब गुरुद्वाराच्या सेवा नांदेडकरांसाठी भूषण आहेत. सालाना बरसी या उत्सवाला मोठे महत्त्व प्राप्त झाले आहे. देश विदेशातुन भावीक या कार्यक्रमात सहभागी होण्यासाठी खास करून येत असतात असे संत बाबा नरेंद्रसिंघ आणि संत बाबा बलविंदरसिंघ यांनी सांगितले.
