नवीन नांदेड l जुन्या नांदेडात जाणाऱ्या येणाऱ्या गोदावरी नदी असलेला नाव घाट पुलावरून पाणी वाहत असल्याने दोन्ही बाजुंनी मनपाच्या वतीने बॅरिकेड्स लावुन दोन्ही बाजुंनी बंद करण्यात आली.
तर धनेगाव/मुजामपेठ ग्रामपंचायत अंतर्गत असलेल्या नदीकाठच्या जुने व नवे मुजामपेठ येथील जवळपास शंभर निवासस्थानी पाणी शिरल्याने व प्रवाहात वाढ झाल्याने जिल्हा परिषद शाळा जूने मुजामपेठ व नविन मुजा मपेठ येथे कुटूंब स्थलांतरित करण्यात आली असून राहण्याची व जेवणाची व्यवस्था ग्रामपंचायत कार्यालय धनेगाव /मुजामपेठ यांच्या कडून करण्यात आली आहे, उपविभागीय अधिकारी डॉ.सचिन खल्लाळ व नांदेड तहसीलदार संजय वारकड यांनी पाहणी केली आहे.
दोन दिवसांच्या संततधार पावसामुळे विष्णुपुरी जलाशयातून मोठ्या प्रमाणात पाण्याचा विसर्ग सुरू असल्याने व संततधार पावसामुळे गोदावरी नदीच्या काठावर असलेल्या धनेगाव/ मुजामपेठ ग्रामपंचायत कार्यालय अंतर्गत असलेल्या जुने व नवे मुजामपेठ भागातील शंभर कुटूंबाचा निवासस्थानी मोठ्या प्रमाणात पाणी शिरल्याने जिवनाश्यक वस्तू सह संसार उपयोगी वस्तू नासधुस झाली आहे.
या कूंटूबाचे स्थलांतर जिल्हा परिषद शाळा धनेगाव/ मुजामपेठ येथे करण्यात आली असून निवास व जेवणाची व्यवस्था ग्रामपंचायत कार्यालय धनेगाव/ मुजामपेठ यांनी केली आहे,तर अदनान गार्डन,अदनानी कॉलनी, सायमा पार्क,के.एल.पी.वसाहत, तिरूपती नगर, शाहुनगर,किसान कॉलोनी, सुधाकरनगर,रऊफ कॉलोनी,युसुफ कॉलनी भागातील अनेक भागात पाणीच पाणी झाल्याने नागरीक त्रस्त झाले आहेत.
महसूल प्रशासनाने नांदेड उपविभागीय डॉ.सचिन खल्लाळ, नांदेड तहसीलदार संजय वारकड, गटविकास अधिकारी आडेराघोसाहेब, विस्तार अधिकारी व्हि.पी.कांबळे व विस्तार अधिकारी केंद्रे,यांच्या सह तलाठी दिपक सोनटक्के,ग्रामविकास अधिकारी व्हि.पी.सुर्यवंशी,ग्रामपंचायत सरपंच गंगाधर शिंदे,जिल्हा परिषद सदस्य मनोहर पाटील शिंदे,माजी पंचायत समिती सदस्य भुजंगराव भालके, शेख फारूक शेख गफुर, शेख एजाज व सय्यद यासीन व इतर ग्रामपंचायत सदस्य, यांनी पाहणी केली तर ग्रामपंचायत कार्यालय सर्व कर्मचारी यांनी विविध भागाच्या आढावा घेऊन जेसीबी व्दारे पाण्याचा निचरा केला. स्थलांतरित केलेल्या कुटूंबातील सदस्य यांना जेवणासह झोपण्याची व्यवस्था धनेगाव मुजामपेठ ग्रामपंचायत यांनी केली आहे.