नवीन नांदेड l नांदेड वाघाळा शहर महानगरपालिका सिडको क्षेत्रीय कार्यालय अंतर्गत थकीत मालमत्ता करापोटी दोन दुकाने जप्त करण्यात आली असून थकबाकी मालमत्ता धारकांनी मालमत्ता कर भरून मनपा प्रशासनास सहकार्य करावे असे आवाहन करण्यात आले आहे.
आयुक्त डॉ .महेश कुमार डोईफोडे , अतिरिक्त आयुक्त गिरीष कदम , उप आयुक्त श्री अजितपाल सिंग संधू , सहाय्यक आयुक्त (कर) यांच्या मार्गदर्शनाखाली क्षेत्रीय कार्यालय-6 सिडको अंतर्गत सहायक आयुक्त डॉ. मिर्झा फरहतूऊल्ला बेग यांच्या अधिनस्त वसुल पथक क्षेत्रीय कार्यालय क्रमांक 06 अंतर्गत वसुली वार्ड 11-2 पिन नंबर 4051001317 या मालमत्ता धारकाकडे एकूण मालमत्ता कर 87914/व विशेष पाणीकर रुपये47668 /असे एकूण रुपये 135582/येणे होते.
त्यांच्याकडे वसुलीसाठी गेलो असता त्यांनी मालमत्ता कर भरण्यास तयार नसल्यामुळे त्यांचे दुकान सील करण्यात आले आहे.संजय नागापूरकर वसुली प्रवेशक वसंत कल्याणकर ,मारुती सारंग वसुली प्रवेशक मालू एनफळे वसुली लिपीक यांनी कार्यवाही केली आहे.
