नांदेड| खोट्या गुन्ह्यात गोवण्यात आलेले आणि ९० टक्के दिव्यांग असलेले तसेच गुन्हा केला नसतानाही दहा वर्षे नागपूर स्थीत केंद्रीय कारागृहात अंडा सेल मध्ये जेल भोगलेले मार्क्सवादी विचारवंत कॉम्रेड जी.एन.साईबाबा यांना दि.१५ ऑक्टोबर रोजी इंडिया व डाव्या आघाडीच्या वतीने आदरांजली वाहण्यात आली.
साईबाबा यांचे १२ ऑक्टोबर रोजी हैद्राबाद येथे दुःखद निधन झाले असून ते दिल्ली येथील विद्यापीठात प्राध्यापक म्हणून अद्यापनाचे कार्य करीत होते. त्यांच्यावर माओवादी म्हणून गडचिरोली येथील न्यायालयाने साईबाबा यांना जन्मठेपेची शिक्षा सुनावली होती. परंतु मुंबई उच्च न्यायाल्याने ती शिक्षा रद्द करून साईबाबा शिक्षेतून यांना निर्दोष मुक्त केले होते. त्यांच्या दुःखद निधनामुळे डाव्या चळवळी मध्ये दुःख व्यक्त करण्यात येत आहे. जिल्हाधिकारी कार्यालया समोर सुरु असलेल्या पीआरओ आणि पूरग्रस्तांच्या आंदोलन स्थळी त्यांना आदरांजली वाहण्यात आली.
यावेळी माकप सचिव तथा सीटूचे जिल्हा जनरल सेक्रेटरी कॉ.गंगाधर गायकवाड, सीटू राज्य कमिटी सदस्या कॉ.करवंदा गायकवाड, अ. भा. जमसंच्या तालुका अध्यक्षा कॉ. लता गायकवाड, डीवायएफचे तालुका निमंत्रक कॉ.जयराज गायकवाड, कॉ. मंगेश वट्टेवाड, कॉ. पिराजी गायकवाड, भारती राष्ट्रीय काँग्रेसच्या अल्प संख्यांक विभागाचे राज्य सरचिटणीस नवनीत सिहं गांधी, उपोषणार्थी संभाजी सावते, माजी नगरसेविका शोभा गिरबीडे, सुभाष लोणे, रंजना सोनकांबळे, क्षमा वाघमारे, कॉ. बालाजी हिंगोले,चंद्रकांत फुगारे,आदींची उपस्थिती होती.