हिमायतनगर, अनिल मादसवार | पिंपळगाव येथील श्री दत्त मंदिर येथे मार्च महिन्यात आयोजित करण्यात आलेल्या भव्य धार्मिक सोहळ्याच्या पार्श्वभूमीवर महत्त्वाची नियोजन बैठक आयोजित करण्यात आली आहे.
मंदिरातर्फे देण्यात आलेल्या माहितीनुसार, गतवर्षीप्रमाणे यंदाही श्री रामकथा, श्री १०८ कुंडी दत्तयाग महायज्ञ व नामसंकिर्तन सोहळा मोठ्या भक्तिभावात पार पडणार आहे. या कार्यक्रमाच्या यशस्वी आयोजनासाठी बुधवार, दि. २५ फेब्रुवारी २०२६ रोजी सकाळी ९ वाजता पिंपळगाव येथील श्री दत्त मंदिर परिसरात बालयोगी व्यंकट स्वामी महाराज यांच्या उपस्थितीत नियोजन बैठक होणार आहे.
या बैठकीस सर्व भाविक भक्तांनी उपस्थित राहून सहकार्य करावे, असे आवाहन आयोजकांकडून करण्यात आले आहे. कार्यक्रमाचे आयोजन श्री शिव सद्गुरु शिवलिंग स्वामी भक्त परिवार यांच्या वतीने करण्यात येत असून, धार्मिक वातावरणात हा सोहळा पार पडणार आहे. भक्तांनी मोठ्या संख्येने उपस्थित राहून कार्यक्रम यशस्वी करावा, असे आवाहन करण्यात आले आहे.
