नांदेड| भारतीय रेल्वेने रेल्वे आरक्षण चार्ट तयार करण्याची प्रणाली सुलभ करण्याचा निर्णय घेतला आहे. त्यानुसार, रेल्वेच्या चार्टिंग स्थानाच्या (स्टेशन) पूर्वी रेल्वे सुटण्याच्या नियोजित वेळेच्या 8 तास आधी आरक्षण चार्ट तयार करण्याची प्रणाली लागू करण्याच्या सूचना देण्यात आल्या आहेत. तथापि, दुसरा चार्ट सध्याच्या मार्गदर्शक तत्त्वांनुसार म्हणजेच चार्टिंग स्थानाच्या रेल्वे सुटण्याच्या नियोजित वेळेचा अर्धा तास आधी तयार केला जाईल.
या निर्देशानुसार, दक्षिण मध्य रेल्वेवरील सर्व गाड्यांची चार्टिंग प्रणाली खालीलप्रमाणे लागू केली जाईल – सकाळी 05.00 ते दुपारी 14.00 दरम्यान सुटणाऱ्या नियोजित गाड्यांसाठी, पहिला आरक्षण चार्ट शक्यतो मागील दिवसाच्या 21.00 वाजेपर्यंत तयार केला जाईल. दुपारी 14.00 ते 23.59 आणि रात्री 00.00 ते सकाळी 05.00 दरम्यान सुटणाऱ्या नियोजित गाड्यांसाठी, पहिला आरक्षण चार्ट शक्यतो 8 तास आधी तयार केला जाईल. या सूचना दुर्गम ठिकाणी (स्थानकांवर) (रिमोट लोकेशन्स) ज्या गाड्यांचे पहिले चार्ट तयार केले जात आहेत, त्या स्थानकांना देखील लागू असतील. सर्व रेल्वे गाड्यांच्या दुसरा आरक्षण चार्ट तयार करण्याबाबतच्या विद्यमान तरतुदींमध्ये कोणताही बदल करण्यात आलेला नाही.
