नांदेड| महाराष्ट्र स्टेट वेटरंन्स अॅक्वेटीक असोसियशन यांच्या तर्फे राज्यस्तरीय जलतरण स्पर्धा दिनांक 21.09.2024 ते दिनांक 22.09.2024 दरम्यान नागपुर येथे आयोजित करण्यात आली होती. त्यात नांदेड पोलीस दलातील जयप्रकाश मोतीराम क्षिरसागर, पोलीस हवालदार यांनी सहभाग घेवुन सदर स्पर्धेत 50 मीटर बटर फ्लाय, 4X50 मीटर मिडले रिले. 4X50 मीटर फ्रिस्टाईल रिले मध्ये तीन सुवर्ण व 100 मीटर बटर फ्लाय, 50 मीटर फ्रिस्टाईल स्पर्धेत दोन रजत पदक पटकावले आहेत.
सदर स्पर्धेत मुंबई, नागपुर, कोल्हापुर, पुणे, नाशिक, अमरावती, नांदेड सह इतर जिल्हयातुन 550 खेळाडुनी भाग घेतला होता. सदर अंमलदार यांना कवयात निर्देशक व क्रिडा प्रमुख संतोष सोनसळे यांनी योग्य ते मार्गदर्शन केले आहे. या अंमलदारांनी उत्कृष्ट जलतरण पटु म्हणुन नांदेड पोलीस दलाचे नाव उज्वल केले आहे. म्हणुन
मा. श्री अबिनाश कुमार, पोलीस अधीक्षक नांदेड यांनी योग्य ते बक्षिस देवुन सत्कार केला आहे. सदरची कामगीरी मा. श्री अबिनाश कुमार, पोलीस अधीक्षक नांदेड, मा. श्री खंडेराव धरणे, अपर पोलीस अधीक्षकभोकर, मा. श्री सुरज गुरव, अपर पोलीस अधीक्षक नांदेड, मा. डॉ. अश्विीनी जगताप, गृह पोलीस अधीक्षक नांदेड, श्री विजय धोंडगे, राखीव पोलीस निरीक्षक, पो.मु. नांदेड यांचे मार्गदर्शनाखाली केली आहे. सदर पोलीस अंमलदार यांना पुढील स्पर्धेसाठी शुभेच्छा दिल्या आहेत.
