श्रीक्षेत्र माहूर, राज ठाकूर। माहूर तालूक्यात दि.१५ मे रोजी दू.२.३० वा अचानक विजेच्या गडगडाटासह अवकाळी पावूस पडल्याने विज कोसळून संजय कुष्णकूमार पांडे वय ५६ रा.करंजी याचा जागेवरच मुत्यू तर आसोली येथील अमरसिंग रामजी चव्हाण वय ५६ हे जख्मी झाल्याची घटना घडली.
करजी ता.माहूर येथील रहिवासी संजय कुष्णकूमार पांडे हे हिवरा ता. महागाव येथे जिल्हा परीषद शाळेत शिक्षक आहेत. ते मोटार सायकलने उमरखेड येथे बहिनी कडे गेले होते व गावाकडे परत येत असतांना माहूर शहराजवळील मालवाडा घाटातून चालत्या मोटार सायकल क्र. एम एच २९ बि यस ४६८१ हिरो शाईन वर विज पडल्यांने त्याचा भाजून जागीच मुत्यू झाला तर त्याच्या जवळील मोबाइल जळून नष्ट झाला. घटनेची माहिती मिळताच प्रभारी पोलिस निरीक्षक शिवप्रकाश मुळे, पि एस आय संदिप आनेबोइनवाड यांनी घटनास्थळ गाठुन मृतदेह शवविच्छेदन करण्यासाठी ग्रामीण रुग्णालय येथे आणला.
तर दुस-या घटनेत आसोली येथील अमरसिंग चव्हाण ( समाधान जाधव) याचे सालगडी हा अचानक आलेल्या पावसामुळे बैल सोडण्यास गेला असता काही अंतरावर विज पडल्याने त्याना आछ लागल्याने ते जख्मी झाले. माहूरच्या ग्रामीण रुग्णालय येथे जख्मी वर वैघकिय अधिक्षक डॉ. किरणकुमार वाघमारे, डॉ बिपीन बाभळे यांनी उपचार केले व पुढील उपचार करीता यवतमाळ येथे पाठविले व डॉ बिपीन बाभळे यानी,संजय पांडे याचे शवविच्छेदन केले.
