नांदेड| समाजातील दुर्लक्षित घटकांची निःस्वार्थ सेवा करणारे धर्मभूषण ॲड. दिलीप ठाकूर यांना गोरगरीबांचे कल्पनातीत आशीर्वाद मिळत असल्याचे भाजपा महानगराध्यक्ष अमरनाथ राजूरकर यांनी प्रतिपादन केले. त्यांच्या हस्ते भाजपा महानगर नांदेड व व लॉयन्स क्लब नांदेड सेंट्रलच्या वतीने सतत सातव्या वर्षी “कृपाछत्र ” या उपक्रमा अंतर्गत 2025 छत्र्या वाटपाच्या शुभारंभ संध्या छाया वृद्धाश्रम नांदेड येथे करण्यात आला.*
भाजप प्रदेश कार्यकारिणी सदस्य चैतन्य बापू देशमुख,किसान मोर्चाचे प्रा.राम अय्यर, लायन्स क्लब नांदेड सेंट्रलचे माजी अध्यक्ष शिवाजीराव पाटील,सोशल मीडियाचे राज यादव, प्रतिष्ठित नागरिक अशोक पडगीलवार, जेष्ठ समाजसेविका स्नेहलता जायस्वाल,शशिकांत क्षीरसागर,राजू अय्यर यांची प्रमुख उपस्थिती होती.वृद्धाश्रमाचे व्यवस्थापक विक्रम टरके पाटील यांनी सर्वांचे स्वागत केले. अमर राजूरकर यांनी आपल्या भाषणातून दिलीप ठाकूर यांचा ” कृपाछत्र ” उपक्रम नेहमीप्रमाणे यशस्वी होणार असा विश्वास व्यक्त केला.
संयोजक दिलीप ठाकूर यांनी प्रास्ताविक करताना असे सांगितले की, गोरगरीब जनतेची अडचण लक्षात घेऊन शंभर टक्के लोकसहभागातून खऱ्या गरजूंना छत्र्या देण्यात येणार आहेत. किमान 16 छत्र्या देणाऱ्या देणगीदारांची नावे छत्र्यांच्या दोन्ही बाजूंना रबर प्रिंटिंग द्वारे छापण्यात येणार आहेत. ज्यांनी जितक्या छत्र्या दिल्या तितक्या छत्र्यांचे वाटप त्याच देणगीदारांच्या हस्तेच करण्यात येणार आहे. देणगीदारांची माहिती सोशल मीडिया च्या मार्फत पन्नास हजार लोकापर्यंत प्रसिद्ध केली जाणार आहे.छत्र्या उल्हासनगर येथील कारखान्यातून खरेदी करण्यात येत असल्यामुळे दोन्ही बाजूला नाव छपाईच्या शुल्कासह सोळा छत्र्यांची किंमत रुपये पंचवीशे आकारण्यात येणार असल्यामुळे दानशूर नागरिकांनी भरभरून प्रतिसाद द्यावा असे आवाहन दिलीप ठाकूर यांनी केले.सर्व मान्यवरांच्या हस्ते वृद्धाना छत्र्या वाटप करण्यात आल्या.
कृपाछत्रच्या सातव्या वर्षात 2025 छत्र्या वाटण्यात येणार आहेत.आतापर्यंत 617 छत्र्यासाठी देणगीदार मिळालेले आहेत.त्यामध्ये एका अज्ञात दात्याने शंभर ,दिलीप ठाकूर यांनी पन्नास,तर स्नेहलता जायस्वाल यांनी पस्तीस छत्र्या दिलेल्या आहेत. यावर्षी आतापर्यंत खालील दानशूर व्यक्तींनी छत्र्या दिलेल्या आहेत. प्रत्येकी 32 छत्र्या देण्यासाठी लक्ष्मीकांत गोनारकर व आनंद माहुरे यांनी सहकार्य केले आहे.प्रत्येकी 16 छत्र्या देणाऱ्यामध्ये सौ रजनी रमेश मुत्तेपवार, वैकुंठवासी आशुतोष गोविंद भाकरे यांच्या स्मरणार्थ डॉ.गोविंद भाकरे, निर्मला द्वारकादास अग्रवाल, प्रतिमा चेरेकर हैद्राबाद, सुरेश पळशीकर, किशनराव रामपल्ली हडको,अशोक विठ्ठलराव पडगीलवार,सौ. शरयु समीर जोशी मिरज ,संकेत गिरी,प्राचार्य सुधीर शिवणीकर,कै प्रयागबाई सिताराम साताळे यांच्या स्मरणार्थ *सौ महादेवी आनंद साताळे,नित्या अक्षय चिंतावार पुणे व नव्या सौरभ रुद्रावार सिंगापुर,विश्वजीत कदम,मोहित व रेणुका सोनी,कै. डॉ. माणिकराव राचप्पा भालके यांच्या स्मरणार्थ ॲड.महेश भालके,जबडे सुधाकर रामराव देगलूर,कै.लक्ष्मीकांत गंगाराम पसुनरवार यांच्या स्मरणार्थ डॉ.विक्रांतकुमार पसुनरवार यांचा समावेश आहे.संकल्पपुर्ती साठी 1408 छत्र्यांची आवश्यकता आहे. सफाई कामगार, वृद्धाश्रम, अनाथाश्रम, वृत्तपत्र विक्रेते, रस्त्यावरील बेघर यांना छत्र्या वाटप करण्यात येणार आहेत.
छपाईच्या शुल्कासह किमान 16 छत्र्यासाठी रू.2500 देणगी 94218 39333 या मोबाईल वर गुगल पे अथवा फोन पे द्वारे स्वीकारण्यात येत आहे .हा उपक्रम यशस्वी करण्यासाठी सुरेश लोट,सविता अरुणकुमार काबरा,सुरेश शर्मा,कामाजी सरोदे, संतोष भारती,राजेशसिंह ठाकूर हे परिश्रम घेत आहेत.
