नांदेड l जगप्रसिद्ध महान कम्युनिस्ट नेते, विचारवंत, लेखक, साहित्यिक, समाजशास्त्रज्ञ,अर्थतज्ञ
जगातील कामगारांनो, एक व्हा! हा नारा देत आपल्या क्रांतिकारी विचारांनी संपूर्ण जगाला शोषणमुक्ती, मानवमुक्तीची वाट दाखवणारे क्रांतिकारी विचारवंत कॉ.कार्ल मार्क्स यांचा दि. ५ मे जन्म दिवस.त्यांच्या जयंती निमित्ताने मार्क्सवादी कम्युनिस्ट पक्ष नांदेड तालुका कमिटीच्या वतीने सुरु असलेल्या साखळी उपोषणाच्या ठिकाणी जिल्हाधिकारी कार्यालय येथे क्रांतिकारी अभिवादन करण्यात आले.
नांदेड शहरातील पूरग्रस्तांच्या प्रलंबीत मागण्या तसेच मौजे वझरा शेख फरीद ता. माहूर येथील पेसा ग्रामपंचायत असलेल्या गावातील नवीन प्लॉट्स पाडून द्यावेत.अतिक्रमण केलेले तातडीने हटवावे आणि ग्रामपंचायत ठरावा नुसार कार्यवाही करावी.
समाज कल्याण नांदेड येथील दुजाभाव करणाऱ्या कर्मचारी यांची बदली करावी. या मागण्यासाठी मागील सहा महिन्यापासून जिल्हाधिकारी कार्यालया समोर साखळी उपोषण सुरु आहे. त्या उपोषणाच्या ठिकाणी कॉम्रेड कार्ल मार्क्स यांना जयंती दिनी अभिवादन करण्यात आले आणि घोषणा देण्यात आल्या.
यावेळी माकप तालुका सचिव कॉ.गंगाधर गायकवाड,जिल्हा सचिव मंडळ सदस्या कॉ.उज्वला पडलवार, जमसं च्या जिल्हाअध्यक्षा कॉ.लता गायकवाड, उपाध्यक्षा कॉ. करवंदा गायकवाड, डीवायएफआयचे कॉ. जयराज गायकवाड, कॉ. सुभाषचंद्र गजभारे यांच्यासह इतर कार्यकर्ते उपस्थित होते. अशी माहिती कॉ. गंगाधर यांनी कळविली आहे.