किनवट, परमेश्वर पेशवे| किनवट ,माहूर विधानसभा मतदार संघाचे माजी आ. तथा लोकनेते प्रदीप नाईक यांच्या अस्थिचे काळेश्वर मंदिर नदीकाठी दि. 10 जानेवारी शुक्रवार रोजी विसर्जन करण्यात आले असून त्यांच्या अस्थि दर्शनाला कार्यकर्त्यानी मोठ्या प्रमाणावर नदीकाठी उपस्थिती दर्शवली होती.
किनवट विधानसभेचे माजी आमदार प्रदीप नाईक यांचे दि. 1 जानेवारी रोजी दुःखद निधन नववर्षाच्या दिवशी पहाटे हृदय विकाराच्या झटक्याने दुखद निधन झाले. त्यांची अंत्यविधी दि. 2 जानेवारी रोजी मुळगाव दहेली तांडा येथे त्यांच्या पार्थिवावर अंत्यसंस्कार करण्यात आले. त्यांचे अस्थिकलश मूळगावी दहेली तांडा येथुन दि. 10 जानेवारी शुक्रवार रोजी सारखणी ,किनवट, बोधडी ईस्लापूर मार्गे नांदेड येथील काळेश्वर मंदिर नदीकाठी आणण्यात आले. या अस्थी कलशाचे जागो जागी नागरिकांनी, कार्यकर्त्यांनी दर्शन घेत पुष्पवृष्टी केली.
यावेळी अनेक कार्यकर्त्यांनी दुःख व्यक्त करत मोठ्या प्रमाणावर श्रद्धांजली अर्पण केली आहे. काळेश्वर येथील नदीकाठी त्यांचे चिरंजीव कपिल नाईक, राहुल नाईक, बबलू नाईक, अंकुर नाईक,मयुर नाईक,यांनी मुंडन करत विधिवत पूजा करून सदरील अस्थि कलश गोदावरी नदीमध्ये विर्सजीत करण्यात आले. या नदीकाठी जमलेले कार्यकर्ते यांनी प्रदीप नाईक अमर रहे,अमर रहे घोषणा देत भाऊक झाले होते.
