श्रीक्षेत्र माहूर, राज ठाकूर| १२ जानेवारी हा स्वामी विवेकानंद यांचा जन्मदिन हा ‘जागतिक युवा दिन’ म्हणून साजरा केला जातो. या दिनानिमित्त माहूर येथील शासकीय औद्योगिक प्रशिक्षण संस्था येथे रविवार दि,१२ जानेवारी रोजी दु,१वा. विद्यार्थ्यांसाठी विविध स्पर्धेचे आयोजन व या संस्थेतून यशस्वी उघोजक म्हणून नावारूपास आलेले व उत्तीर्ण झालेल्या विद्यार्थ्यांचा ‘गौरव’ तज्ञांचे मार्गदर्शन व विविध स्पर्धाचे बक्षीस वितरण करण्यात येणार असल्याची माहिती संस्थेचे प्राचार्य फारूखी ऐ,वासे यांनी दिली.
१२ जानेवारी या दिवशी ‘स्वामी विवेकानंद’ यांची जयंती असून, हा दिवस ‘राष्ट्रीय युवा दिन’ म्हणून भारतभर साजरा करण्यात येतो, या दिनाचे औचित्य साधत शासकीय औद्योगिक प्रशिक्षण संस्थेतील युवकांच्या विविध कलागुणांना तसेच कौशल्यांना वाव मिळावा व प्रोत्साहन मिळावे, यासाठी, वाद-विवाद स्पर्धा, वकृत्व स्पर्धा, निबंध स्पर्धा, पारंपारिक क्रीडा, चित्रकला, त्याचबरोबर निबंध स्पर्धेच्या कार्यक्रमाचे आयोजन करण्यात आले आहे. या स्पर्धेत संस्थेतील जास्तीत जास्त आजी माजी विद्यार्थ्यांसह पालक व ग्रामस्थांनी सहभाग नोंदवावा, असे आवाहन शासकीय औद्योगिक प्रशिक्षण संस्था प्राचार्य फारूखी यांनी केले आहे.
