देगलूर, गंगाधर मठवाले| काही महिन्यांवर येऊन ठेपलेल्या देगलूर बिलोली विधानसभा मतदार संघात भारतीय जनता पक्षाने उमेदवारी दिल्यास विधानसभा निवडणुकीत डॉ. वीरूपाक्ष महाराज शिवाचार्य भाजपकडून विधानसभा निवडणुकीत उतरण्याची शक्यता वर्तवली जात आहे. त्याची तयारी म्हणून कि काय त्यांनी मतदारसंघात जनतेची भेटी गाठी घेऊन एक प्रकारे प्रचारात उडी घेतल्याचे चित्र दिसु लागले आहे.
मागील काळात माजी आमदार स्व.रावसाहेब अतापुरकर यांच्या निधनामुळे पोटनिवडणूक लागली होती. त्यावेळी भारतीय जनता पक्षाकडून उमेदवारी देण्याचे आश्वासन दिल्याने देगलुर बिलोली विधानसभा मतदारसंघ डॉ. वीरूपाक्ष महाराज शिवाचार्य यांनी प्रचार करून पिजुन काढला होता. मात्र ऐन वेळी तिकिट वाटपात डॉ वीरूपाक्ष महाराज शिवाचार्याना डावलण्यात आले. त्यावेळी पुःडील निवडणुकीत संधी दिली जाईल असे सांगितले गेले होते.
त्यामुळे अवघ्या काही महिन्यावर होणारी आगामी विधानसभा निवडणूक लढविण्यासाठी ते सज्ज झाले आहे. यावेळी निवडणुकीतुन माघार घेणार नसल्याचे चित्र दिसु लागले आहे. सध्या ते संपूर्ण मतदार संघांतील भाजप कार्यकर्त्यांचे व समाजांचे भेटी गाठी घेऊन बैठक घेऊन निवडणुकीची रणनीती आखात आहेत. भाजप कडून उमेदवारी मिळाल्यास निश्चितच ते विजयी होतील अशी दाट शक्यता जन्मांसातून वर्तवली जात आहे.
