श्रीक्षेत्र माहूर, राज ठाकूर। श्री रेणुकादेवी संस्थानच्या वतीने रेणुका देवी मंदिर परीसरातील दक्षिण दिशेस पायथ्याशी असलेल्या परशुराम मदिरात अक्षय तृतीयेच्या शुभ मुहूर्तावर दि.30 एप्रिल रोजी भगवान परशुराम जन्मोत्सव भक्ती भावात व थाटात संपन्न झाला.
प्रतीवर्षा प्रमाणे याही वर्षी श्री रेणुका पुत्र भगवान परशुराम यांचा जन्मोत्सवास सकाळी ९ वा. विविध धार्मिक कार्यक्रमांनी साजरा करण्यात आला. संस्थानचे विश्वस्त वे.शा.सं. चंद्रकांत भोपी यांच्या हस्ते पंचामृत अभिषेक,परशुराम यास.महानैवेद्य चढवून स.१० वा महाआरती करण्यात आली. यावेळी परशुराम मंदिर व परीसर फुलांनी सजविण्यात आले होते,तसेच अक्षय तृतीयेच्या शुभमुहूर्तावर श्री रेणुका गडावर मंदिरांत आब्याची आरस करण्यात आली होती.
या मंगल प्रसंगी हजारो भाविकांनी उपस्थिती लावली होती. या धार्मिक सोहळ्याचे पौरोहित्य वेदपाठशाळेचे वे.शा.सं. निलेश केदार गुरूजी, संस्थानचे विश्वस्त संजय काण्णव, दुर्गादास भोपी,वैभव जगत .अमोल रिठे.रविंद्र काण्णव. यांनी केले. यावेळी संस्थानचे विश्वस्थ .विनायक फांदाङे.व पूजारी मंडळाचे ब्रम्हवृंदासह हजारो भाविकांची उपस्थिती होती.
