हिमायतनगर, अनिल मादसवार| महाराष्ट्र विधीमंडळ सचिवालया अंतर्गत येणाऱ्या सार्वजनिक उपक्रम समितीवर हदगाव, हिमायतनगर विधानसभेचे आमदार बाबुराव कदम कोहळीकर यांची निवड करण्यात आली आहे. त्यांच्या निवडी बद्दल सर्व स्तरातून अभिनंदन केले जात आहे.
महाराष्ट्र विधानसभा नियमातील नियम १८९ अन्वये समिती मार्फत समितीची रचना, तिची व्याप्ती, कामकाज चालविणे, विविध कामांच्या तपासणीसाठी विषयांची निवड, अभ्यास गटाची नियूक्ती आदी कामे समिती मार्फत पाहीली जातात. विधान सभेने केलेल्या नियमान्वे प्रस्थापित केलेल्या सार्वजनिक उपक्रम समिती वर प्रतिनीधीत्व करण्यासाठी विधान परिषदेकडून पहिल्या अधिवेशनाच्या प्रारंभानंतर शक्य तितक्या लवकर आपल्या सदस्यांमधून सभापती पाच सदस्यांची निवड या समितीवर करतात.
त्यामध्ये आमदार बाबुराव कदम कोहळीकर यांची निवड झाल्याची माहिती आमदारांचे स्वीय सहाय्यक बबन कदम यांनी दिली. या समितीच्या अधिकारात गृह विभाग, गृह परिवहन विभाग, वन विभाग, महसूल विभाग, नगरविकास विभाग, वैद्यकीय शिक्षण विभाग, उद्योग विभाग, उद्योग व खनीकर्म विभाग, उर्जा विभाग,कृषी विभाग,पशू संवर्धन विभाग, दुग्ध विकास,मत्सय व्यवसाय विभाग, सहकार विभाग, पनन विभाग,वसत्रौद्योग विभाग, सांस्कृतिक कार्य विभाग, पर्यटन विभाग,आदी विभागातील शासनाच्या विविध धोरणा संबंधीच्या बाबी आणी दैनंदिन प्रशासनाच्या बाबी विषयी बैठकाचे आयोजन करूण त्या समस्यां संबंधित चर्चा करणे या बाबी येत असल्याची माहिती ही बबन कदम यांनी दिली आहे.
