नवीन नांदेड| नांदेड तालुक्यातील पंचक्रोशीतील व शहरालगत असलेल्या जागृत व हजारो भाविक भक्तांचे श्रध्दास्थान असलेल्या तिर्थक्षेत्र काळेश्वर विष्णूपुरी येथे दुसऱ्या श्रावण सोमवार निमित्ताने भाविक भक्तांनी मोठया संख्येने उपस्थित राहून दर्शन घेतले यावेळी नांदेड जिल्हा परिषद मुख्यकार्यकारी अधिकारी मिना करणवाल यांच्या सह अतिरिक्त मुख्य कार्यकारी अधिकारी राजकुमार मुक्कावार यासह अधिकारी यांनी दर्शन घेतले, ग्रामीण पोलीस स्टेशन पोलीस निरीक्षक नागनाथ आयलाने यांनी पोलीस कर्मचारी यांच्या कडेकोट बंदोबस्त ठेवला होता तर विश्वस्त समिती यांच्या वतीने दर्शनासाठी विशेष व्यवस्था केली होती.
१२ ऑगस्ट रोजी दुसऱ्या श्रावण सोमवार निमित्ताने रात्री पासून भाविक भक्तांनी मोठया प्रमाणात गर्दी केली होती, पुजारी गणेश अप्पा महाराज धनमणे यांच्या उपस्थितीत विधीवत पुजन व आरती नंतर दर्शनासाठी भाविक भक्तांना सोडण्यात आले, सकाळी नांदेड जिल्हा परिषद मुख्यकार्यकारी अधिकारी मिना करणवाल यांनी तिर्थक्षेत्र काळेश्वर मंदिरात विधीवत पुजन करून दर्शन घेतले, यावेळी अतिरिक्त मुख्य कार्यकारी अधिकारी राजकुमार मुक्कावार, गटविकास अधिकारी पांडुरंग नारवटकर, विस्तार अधिकारी गोविंद मांजरमकर,पांडुरंग नारवटकर, विठ्ठल कांबळे, यांच्या सह माजी शिक्षण विस्तार अधिकारी बंडु अमदुरकर, उपस्थित होते.
यावेळी ग्रामपंचायत विष्णुपूरी व विश्वस्त समिती यांच्या तर्फे सरपंच प्रतिनिधी राजु हंबर्डे, विश्वस्त समितीचे सचिव शंकरराव हंबर्डे, बालाजी हंबर्डे, सतिश भेंडेकर, ग्रामसेवक संजय कानोडे, शिक्षक उदय हंबर्डे,निशांत पळणाटे भास्कर हंबर्डे यांनी सत्कार केला. भाविक भक्तांसाठी सुमित मोरगे यांच्या वतीने महाप्रसादाचे आयोजन करण्यात आले होते, दुसऱ्या श्रावण सोमवारी होणारी भाविक भक्तांची गर्दी पाहता ग्रामीण पोलीस स्टेशनचे पोलीस निरीक्षक नागनाथ आयलाने यांनी अधिकारी, पोलीस अमलंदार, महिला पोलीस कर्मचारी व होमगार्ड यांच्या कडेकोट बंदोबस्त ठेवला होता. मंदीर परिसरात भाविक भक्तांसाठी बेल फुळ,फुलाचे , मुर्ती दुकाने व खेळणी साहित्य मोठ्या प्रमाणात विक्री साठी आली होती.
