नांदेड| हिंदी भाषा सक्तीचे निर्णय रद्द करण्याची मागणी मनसे अध्यक्ष राज ठाकरे यांनी महाराष्ट्र राज्याचे मुख्यमंत्री देवेंद्र फडणवीस यांच्याकडे केली असता मराठी वरचा अन्याय होत असल्याने महाराष्ट्र नवनिर्माण सेना कदापि होणाऱ्या अन्याय सहन करणार नाही. अशी तडखर भूमिका राज साहेब ठाकरे यांनी घेतली असून, दिनांक 5 जुलै रोजी गिरगाव चौपाटी वरून भव्य मोर्चा आयोजित करण्यात आला होता.
मोर्चाची दखल घेत सरकारने हिंदी सक्तीचे निर्णय रद्द केल्याने मागणीला यश येऊन हिंदी सक्तीचे दोन्ही निर्णय रद्द केल्याचे जाहीर केले. मोर्चा रद्द झाल्याने जल्लोष मराठीचा या ऐतिहासिक सभा आयोजित केली आहे. या सभेकरिता नांदेड जिल्ह्यातील महाराष्ट्र नवनिर्माण सेनेचे तसेच अंगीकृत संघटना महिला सेनेच्या पदाधिकारी व मनसे सैनिक यांनी दिनांक 5 जुलै 2025 रोजी सकाळी 10 वाजता एन एम सी आय डोम वरळी मुंबई येथे होणाऱ्या सभेसाठी जाणार आहेत.
मुंबई येथे होणाऱ्या जल्लोष मराठीचा ऐतिहासिक सभेसाठी महाराष्ट्र नवनिर्माण सेनेचे संस्थापक अध्यक्ष सन्माननीय राज साहेब ठाकरे यांचे विचार ऐकण्यासाठी जास्तीत जास्त संख्येने जाण्यासाठी आणि आनंद साजरा करण्यासाठी जल्लोष मराठीचा या ऐतिहासिक सभेसाठी नांदेड जिल्ह्यातील मनसे पदाधिकारी व मनसैनिक यांनी मोठ्या संख्येने उपस्थित राहावे असे आव्हान मनसे जिल्हा अध्यक्ष मॉन्टीसिंघ जहागीरदार व तसेच मनसे शहर अध्यक्ष अब्दुल शफिक यांनी केले आहे.
