माहूर, राज ठाकूर | तालुक्यातील मौजे लखमापूर येथे स्वर्गीय माजी आमदार प्रदीपजी नाईक केसरी यांच्या स्मरणार्थ सलग पाचव्या वर्षी भव्य शंकरपट बैलगाडा शर्यतीचे आयोजन करण्यात आले होते. दोन दिवस चाललेल्या या शंकरपट स्पर्धेचा समारोप मोठ्या उत्साहात पार पडला. स्पर्धेत विजयी ठरलेल्या बैलजोडी मालकांचा मान्यवरांच्या हस्ते सत्कार करून एकूण २ लाख ५१ हजार रुपयांचे बक्षीस वितरण करण्यात आले.
दि. ३० जानेवारी ते १ फेब्रुवारी दरम्यान झालेल्या या शंकरपटाचे आयोजन श्रीमती बेबीताई नाईक, कपिल नाईक, माजी जि.प. उपाध्यक्ष समाधान जाधव, ज्योतिबा दादा खराटे, नगराध्यक्ष फिरोज दोसानी व दिलीप जाधव यांच्या मार्गदर्शनाखाली करण्यात आले होते.
प्रथम बक्षीस – सोपीनाथ देवस्थान, महागाव यांना ४१ हजार रुपये (ज्योतिबा दादा खराटे यांच्या हस्ते)
द्वितीय बक्षीस – कांदली (हिमायतनगर) यांना ३१ हजार रुपये
अ गट – दगडथर येथील शिवानी राठोड यांना २१ हजार रुपये
ड गट – दगडथर येथील शिवानी राठोड यांना ३१ हजार रुपये
ड गट द्वितीय बक्षीस – हिवरा येथील साहेबराव पाटील कदम यांच्या बैलजोडीस २१ हजार रुपये (मेघराज जाधव यांच्या हस्ते)
तृतीय बक्षीस – तुळशी येथील शाम राठोड यांना १५ हजार रुपये
याशिवाय उत्कृष्ट कामगिरी करणाऱ्या इतरही अनेक बैलजोडी मालकांना प्रोत्साहनपर बक्षिसे देण्यात आली.
या शंकरपटाच्या यशस्वी आयोजनासाठी डॉ. दिलीप जाधव यांच्या मार्गदर्शनाखाली प्रदीप राठोड, विजय राठोड, प्रफुल्ल राठोड, जसवंत राठोड, देवा राठोड, दत्ता जाधव तसेच लखमापूर येथील शेतकरी मित्र मंडळाच्या कार्यकर्त्यांनी विशेष परिश्रम घेतले. कार्यक्रमास परिसरातील नागरिक, शेतकरी व बैलगाडा शर्यतीप्रेमी मोठ्या संख्येने उपस्थित होते.
