नांदेड l डॉ. सर्वपल्ली राधाकृष्णन शिक्षण प्रसारक मंडळ, जांब (बु) या संस्थेमार्फत नांदेड जिल्ह्यातील विविध शाळांमध्ये एक उल्लेखनीय उपक्रम राबविण्यात आला. या उपक्रमांतर्गत वर्षभरात सुमारे १०,००० विद्यार्थ्यांना व्यसनमुक्त जीवन जगण्याची शपथ दिली गेली.
या मोहिमेद्वारे विद्यार्थ्यांमध्ये व्यसनांबद्दल जागरूकता निर्माण करण्याचा प्रयत्न करण्यात आला. शाळांमध्ये आयोजित केलेल्या कार्यक्रमांतर्गत विद्यार्थ्यांना व्यसनांचे दुष्परिणाम समजावून सांगितले गेले आणि त्यांना व्यसनमुक्त राहण्याचे आवाहन करण्यात आले. या शपथग्रहण कार्यक्रमात विद्यार्थ्यांनी उत्साहाने सहभाग घेतला आणि व्यसनांपासून दूर राहण्याचे आश्वासन दिले.
संस्थेच्या प्रतिनिधींनी सांगितले की, “युवा पिढी हा देशाचा भविष्याचा आधार आहे. त्यांना व्यसनमुक्त राहण्यासाठी प्रोत्साहित करणे हे आपले कर्तव्य आहे. या मोहिमेद्वारे आम्ही विद्यार्थ्यांमध्ये जागरूकता निर्माण करण्याचा प्रयत्न केला आहे.”
या उपक्रमाला शिक्षक, पालक आणि समाजातील विविध घटकांकडून सकारात्मक प्रतिसाद मिळाला आहे. संस्थेच्या या प्रयत्नांमुळे नांदेड जिल्ह्यातील विद्यार्थ्यांमध्ये व्यसनांविरुद्ध जागृती होण्यास मदत होईल, अशी आशा व्यक्त करण्यात आली आहे.