natural purple island : गोदावरी नदीपात्रातील एकमेव “नैसर्गिक जांभूळ बेट ” राज्यसरकारच्या अनास्थेमुळे “नामशेषच्या मार्गावर ..!
लोहा| परभणी जिल्ह्यातील पालम शहरापासून सात किलो अंतरावर असलेल्या व पूर्णा तालुक्याच्या सीमेवर गोदावरी नदीपत्रात मध्यभागीनिसर्गरम्य वृक्षवेली, जांभळाने वेढलेले अद्भुत नयनरम्य असे ‘जांभूळबेट’ (natural purple island) आहे. पण प्रशासनाचे अक्षम्य दुर्लक्ष ,नैसर्गिक पुराचा तडाखा यामुळे २२ एकर असलेले हे बेट आता ९ एकर पुरतेच उरले आहे. गोदावरी नदीचे उगमस्थान त्र्यंबकेश्वर ते तेलंगणा राज्य या दरम्यान नदीप्रवाह मार्गात कुठेच बेट नाही परंतु राज्य सरकार व लोकप्रतिनिधीची निष्क्रियता पाहता जांभूळ बेटाचे अस्तित्व येत्या काही वर्षात नामशेष होणार आहे. गरज आहे ती संवर्धनाची व संगोपनाची..!
पालम - पूर्णा तालुक्याच्या सीमेवरील जांभूळ बेटाचा शोध कसा , कधी लागला याची माहिती उपलब्ध होऊ शकली नाही ,पण पालम तालुक्याचे रहिवाशी निसर्गप्रेमी रमेश पिठ्ठलवाड बेटावर जांभळाची भरपूर प्रमाणात झाडे होती. म्हणून या बेटाला ‘जा...