The security guard stole ten thousand from the donation box | सुरक्षारक्षकानेच दानपेटीतून चोरले दहा हजार; श्री रेणुका देवी मंदिरातील प्रताप -NNL
श्रीक्षेत्र माहूर, राज ठाकूर| येथील श्री रेणुकादेवी मंदिराच्या सुरक्षा रक्षकाने दानपेटीतून अंदाजे दहा हजार रुपये चोरी केले. या प्रकरणी संस्थानचे व्यवस्थापक योगेश साबळे यांनी दिलेल्या तक्रारीवरून सुरक्षा रक्षक याचे विरुद्ध माहूर पोलीस ठाण्यात गुन्हा दाखल करण्यात आला आहे.
श्री रेणुका देवी मंदिरात दि.२७ जून ते १ जुलै या कालावधीत रात्र पाळीवरील किशोर सुभाष जाधव या सुरक्षा रक्षकाने १० रु,५० रू,१०० रु,५०० रू या दराच्या नोटा काडीच्या साह्याने काढत असल्याचे सी.सी.टि.व्ही फुटेजची पाहणी केली, असता दिसून आले.
असे व्यवस्थापक योगेश साबळे यांनी दिलेल्या तक्रारीत म्हटले आहे. त्यावरून माहूर पोलीस ठाण्याचे सपोनी शिवप्रकाश मुळे यांनी गुन्हा दाखल केला असून पुढील तपास पोउपनी पालसिंग ब्राह्मण हे करीत आहेत....